مۋرالدا ماڭگىلىك ەل يدەياسى بەينەلەنگەن، ول قازاق راديوسىنىڭ عاسىرلىق تاريحي ەۆوليۋسياسىمەن ۇشتاسقان.
ستريت-ارت جوبا راديوارنانىڭ ديرەكتورى دۋلات ابيبۋللايەۆ پەن ەلوردا اكىمدىگىنىڭ باستاماسىمەن، سونداي-اق قالالىق ۋربانيستيكا ورتالىعىنىڭ كومەگىمەن جۇزەگە اسىرىلدى، دەپ حابارلايدى Almaty-akshamy.kz
«تاۋەلسىزدىكتىڭ 30 جىلدىعى اياسىندا بيىل ءبىرقاتار قوعامدىق-مادەني شارالار جۇزەگە اسىرىلدى. مىسالى، نۇر-سۇلتاندا ءبىزدىڭ راديونىڭ رەداكسياسىنىڭ جانىنداعى كوشەلەردىڭ ءبىرى «قازاق راديوسى كوشەسى» دەپ اتالدى. ب ا ق قىزمەتكەرلەرىنىڭ كاسىبي مەرەكەسى قارساڭىندا مەملەكەت باسشىسى ق. توقايەۆ 1 قازاندى - راديو قىزمەتكەرلەرى كۇنى دەپ جاريالاۋدى ۇسىندى. ءدال وسى كۇنى، وسىدان 100 جىل بۇرىن قازاق راديوسى ءوزىنىڭ حابار تاراتۋىن باستادى. ارداگەرلەر مەن راديو قىزمەتكەرلەرى بۇل باستامانى زور قۋانىشپەن قابىلدادى. مۋرال قالانىڭ كورىكتى جەرىندە - ساۋران مەن سىعاناق كوشەلەرىنىڭ قيىلىسىندا ورنالاسقان. نۇر-سۇلتان قالاسىنىڭ اكىمدىگىنە، ەسىل اۋدانىنىڭ اكىمدىگىنە جانە قالالىق ۋربانيستيكا ورتالىعىنا زور العىسىمدى ايتقىم كەلەدى. بۇل جەر راديوسۇيەر قاۋىم مەن قالا تۇرعىندارى ءۇشىن تاعى ءبىر ايشىقتى ورىنداردىڭ ءبىرى بولادى دەگەن ۇمىتتەمىن«، - دەدى «قازاق راديولارى» ج ش س باس رەداكتورى – «قازاق راديوسى» راديوارناسىنىڭ ديرەكتورى دۋلات ابيبۋللايەۆ.
قازاق راديوسى ورىنبوردان حابار تاراتۋدى 1921 جىلى حالىق اعارتۋشىسى احمەت بايتۇرسىنوۆتىڭ باستاماسىمەن باستادى جانە ءقازىر ەل اۋماعىنىڭ 90%-نا حابار تاراتادى.