التىن وردا تاريحىن باۋىرلاس ەلدەردىڭ عالىمدارىمەن بىرلەسىپ زەرتتەۋ ماڭىزدى. اتىراۋدا ءوتىپ جاتقان «ۇلىق ۇلىس – التىن وردا» اتتى حالىقارالىق عىلىمي-پراكتيكالىق كونفەرەنسيانىڭ قاتىسۋشىلارىنا جولداعان قۇتتىقتاۋ حاتىندا ق ر پرەزيدەنت قاسىم-جومارت توقايەۆ وسىنداي پىكىر ءبىلدىردى، دەپ حابارلايدى almaty-akshamy.kz قازاقپاراتقا سىلتەمە جاساپ.
«جايىق جاعاسىنداعى جانە ۇلىتاۋ باۋرايىنداعى كونە ەسكەرتكىشتەر مەن زاماناۋي كەشەندەر ءتۋريزمدى دامىتۋعا تولىق مۇمكىندىك بەرەدى. تاريحىن تۇگەندەپ، ودان تاريحي تاعىلىم الا بىلەتىن ەلدىڭ تامىرى بەرىك بولادى. التى وردا كوپتەگەن باۋىرلاس ەلدەردىڭ تاعدىرىندا دا ايرىقشا ءىز قالدىرعان. سوندىقتان حالىقارالىق عىلىمي قاۋىمداستىقتىڭ الدىندا ورتاق شەجىرەمىزدى بىرلەسە ىرىكتەۋ مىندەتى تۇر. بۇگىنگى باسقوسۋدا عالىمدارىمىز تىڭ دەرەكتەر مەن سالماقتى وي-پىكىرىن ورتاعا سالادى دەپ ەسەپتەيمىز»، - دەدى مەملەكەت باسشىسى.
ايتا كەتەيىك، اتىراۋ وبلىسىندا «ۇلىق ۇلىس – التىن وردا» اتتى حالىقارالىق عىلىمي-پراكتيكالىق كونفەرەنسيا ءوتىپ جاتىر. شارا اياسىندا كونفەرەنسيانىڭ قارارىن قابىلداۋ جوسپارلانعان.