30 قىركۇيەكتە فۋتبول جانكۇيەرلەرىنىڭ نازارىن اۋداراتىن ۇلكەن كەزدەسۋ وتپەك. قازاقستاننىڭ تانىمال كلۋبى "قايرات" الەمدىك الىپتاردىڭ ءبىرى "رەالمەن" جاسىل الاڭدا جولىعادى. بۇل ويىنعا سپورتسۇيەر قاۋىم عانا ەمەس، ەلدىڭ ساياسي تۇلعالارى دا قىزىعۋشىلىق تانىتىپ وتىر. اqshamnews.kz ءتىلشىسى ءماجىلىس دەپۋتاتتارىنان ماچ تۋرالى سۇراپ ءبىلدى.
امانجول ءالتاي: "جەڭىلسەك تە – ابىروي"
دەپۋتات امانجول ءالتاي "قايراتتىڭ" يسپانيا الپاۋىت كلۋبىنا قارسى وينايتىنىنىڭ ءوزى ۇلكەن مارتەبە ەكەنىن اتاپ ءوتتى.
"ماسەلە "قايراتتىڭ" "رەالدى" جەڭۋىندە ەمەس. ەڭ باستىسى – ءبىزدىڭ كوماندامىزدىڭ الەمنىڭ ەڭ مىقتى فۋتبول ۇجىمدارىنىڭ بىرىمەن ءبىر الاڭدا ويناۋىنىڭ ءوزى ۇلكەن ابىروي. سوندىقتان "قايرات" جەڭسە دە، جەڭىلسە دە ءبىز ءۇشىن قۋانىش. بولجام بويىنشا ەسەپ 2:1 بولۋى مۇمكىن، ءبىراق "رەالدىڭ" پايداسىنا. ەگەر 1:1 ەسەبىمەن تەڭ تۇسسە، ول ءتىپتى تاماشا بولار ەدى. قالاي بولعاندا دا، "قايراتقا" جەڭىس پەن ساتتىلىك تىلەيمىز"، – دەدى امانجول ءالتاي.
ەرلان سايروۆ: "تەڭ ويىن – ءبىز ءۇشىن جەڭىس"
ال ەرلان سايروۆ "قايراتقا" ساتتىلىك تىلەپ، ويىننىڭ تەڭ تۇسكەنىن قالايتىنىن جەتكىزدى.
"قايراتقا" ساتتىلىك تىلەيمىن. دەگەنمەن ەكى كوماندانىڭ سالماق دارەجەسى ءارتۇرلى ەكەنى بەلگىلى. سول سەبەپتى تەڭ ناتيجەنىڭ ءوزى قازاقستان فۋتبولى ءۇشىن ۇلكەن جەڭىس بولماق. شىن جۇرەكتەن ويىننىڭ تەڭ اياقتالعانىن قالايمىن"، – دەدى دەپۋتات ەرلان سايروۆ.
ەسكە سالايىق، كەشە تاريحي ويىنعا بيلەت ساتىلىمى اشىلعان ەدى. كەزەكتە 300 مىڭعا جۋىق ادام تۇرعان.