پرەزيدەنت قاسىم-جومارت توقايەۆتىڭ رەسەي فەدەراسياسىنا مەملەكەتتىك ساپارى قارساڭىندا «روسسييسكايا گازەتا» باسىلىمىندا «ۆەچنايا درۋجبا – پۋتيەۆودنايا زۆەزدا دليا ناشيح نارودوۆ» اتتى ماقالاسى جارىق كوردى، - دەپ حابارلايدى اqshamnews.kz ءتىلشىسى.
پرەزيدەنت توقايەۆ بۇل كولەمدى ماقالاسىندا قازاقستان مەن رەسەيدىڭ «ماڭگى دوستىق» تۋرالى تاريحي-فيلوسوفيالىق كونسەپسياسىن قايتا بەكىتىپ، ەكى ەل قاتىناستارىنىڭ جاڭا كەزەڭگە ءوتىپ جاتقانىن ايتادى. نەگىزگى ويلارى تومەندەگىدەي:
1. ماڭگى دوستىق – تاريحي تاڭداۋ.
توقايەۆ قازاق جانە ورىس حالىقتارى عاسىرلار بويى قاتار ءومىر ءسۇرىپ، ورتاق مادەني كەڭىستىك قالىپتاستىرعانىن ايتادى. وسى تاريحي بايلانىس ەكى ەلدى ستراتەگيالىق سەرىكتەس ەتتى.
2. قازاقستان–رەسەي قاتىناستارى – ۇلگىلى مەملەكەتارالىق مودەل.
ەكى ەل تاۋەلسىزدىك العاننان بەرى سەنىمگە، تەڭدىككە جانە ءوزارا قۇرمەتكە نەگىزدەلگەن قاتىناستاردى دامىتىپ كەلەدى. 1992 جىلعى «ماڭگى دوستىق تۋرالى شارت» - سول جولدىڭ باستاۋى.
3. الداعى كەزەڭ – «جان-جاقتى ستراتەگيالىق سەرىكتەستىك جانە وداقتاستىق» دەڭگەيى.
توقايەۆ ماسكەۋگە ساپارىندا جاڭا دەكلاراسياعا قول قويىلاتىنىن، بۇل قۇجات قارىم-قاتىناستى جاڭا كەزەڭگە شىعاراتىنىن جازادى.
4. ەكونوميكا جانە ينۆەستيسيالار.
– رەسەي - قازاقستاننىڭ ءۇش ءىرى ساۋدا ارىپتەسىنىڭ ءبىرى.
– تاۋار اينالىمى 30 ملرد دوللارعا جاقىندادى.
– 170-تەن استام بىرلەسكەن ءىرى جوبا (50 ملرد دوللاردان اسا ينۆەستيسيا).
– ەنەرگەتيكا، اتوم ەلەكتر ستانساسى، مۇناي-گاز، حيميا ونەركاسىبى، ماشينا جاساۋ - باستى باعىتتار.
5. ترانسپورت جانە ترانزيت.
قازاقستان ارقىلى ازيا–ەۋروپا اراسىنداعى جۇك تاسىمالىنىڭ 85%-ى وتەدى.
ەكى ەل «سولتۇستىك–وڭتۇستىك»، «باتىس ەۋروپا – باتىس جۇڭگو» دالىزدەرىن بىرگە دامىتىپ جاتىر.
6. گۋمانيتارلىق بايلانىستار.
– بايقوڭىردىڭ 70 جىلدىعى، سوعىس جەڭىسىنىڭ 80 جىلدىعىنا قاتىستى ءىس-شارالار.
– ورىس تىلىنە قولداۋ، مگيمو فيليالى، «سيريۋس» مەكتەبى، رەسەيدەگى ءال-فارابي اتىنداعى قازۇۋ فيليالى.
– «ماڭگى دوستىق اللەياسى» استانادا، ماسكەۋدە – «قازاقستان–رەسەي دوستىعى سكۆەرى».
7. رەسەي ليدەرى تۋرالى پىكىرى.
توقايەۆ ءپۋتيننىڭ حالىقارالىق ءرولىن اتاپ ءوتىپ، ونىڭ قازاقستانداعى بەدەلى جونىندە پىكىر ءبىلدىردى.
تولىق ماقالانى مىنا سىلتەمەدەن وقي الاسىزدار.