جاڭا فورمانى العاشقى كيەتىندەر – پاترۋلدەر مەن ۋچاسكەلىك ينسپەكتورلار.
ق ر ىشكى ىستەر ءمينيسترى ەرلان تۇرعىمبايەۆ 2022 جىلدىڭ 1 قاڭتارىنان باستاپ پوليسەيلەردىڭ جاڭا فورما كيەتىنىن ايتتى، دەپ حابارلايدى Almaty-akshamy.kz Almaty.tv ارناسىنا سىلتەمە جاساپ.
«ءبىز فورمانى بيىل كۇزدە بەكىتتىك. ارينە، ولار ءبىر كۇندە تىگىلمەيدى، سوندىقتان ءبىز كونكۋرستىق قۇجاتتاماعا سايكەس مەملەكەتتىك ساتىپ الۋلار ارقىلى 2022 جىلدىڭ 1 قاڭتارىنا دەيىن تىگىلىپ، دايىن بولادى دەپ بولجايمىز. سول كۇننەن باستاپ كوپتەگەن وڭىرلەردە پاترۋلدىك قىزمەتكەرلەر جاڭا فورمادا جۇمىسقا كىرىسەدى»، – دەدى تۇرعىمبايەۆ.
ونىڭ ايتۋىنشا، جاڭا فورمامەن ءبىرىنشى كەزەكتە پاترۋلدىك پوليسيا قىزمەتكەرلەرى مەن ۋچاسكەلىك ينسپەكتورلار قامتاماسىز ەتىلەدى.
«قوسىمشا قاراجات تالاپ ەتپەيمىز. ەسكى فورما ءالى بار، جاڭا فورما بىرتە-بىرتە بولىنەدى. ەكى جىلدىڭ ىشىندە ءبىز بۇكىل ىشكى ىستەر مينيسترلىگىنىڭ فورماسىن وزگەرتەمىز»، – دەدى مينيستر.