نۇر-سۇلتان شاھارىندا «Nur Otan» پارتياسى مەن قازاقستان جازۋشىلار وداعى اراسىنداعى ءوزارا ىنتىماقتاستىق تۋرالى مەموراندۋمعا قول قويىلدى دەپ حابارلايدى almaty-akshamy.kz
پارتيا ءتوراعاسىنىڭ ءبىرىنشى ورىنباسارى باۋىرجان قىدىرعالي ۇلى بايبەك رەسمي شارانىڭ اشىلۋىندا سويلەگەن سوزىندە قوعامداعى زيالى قاۋىم وكىلدەرىنىڭ رولىنە، وسىعان دەيىن جۇزەگە اسقان رۋحاني باستامالارعا، الداعى اتقارىلۋى ءتيىس ەكىجاقتى جوبالارعا كەڭىنەن توقتالدى.
جيىنعا «Nur Otan» پارتياسىنىڭ حاتشىسى ارمان قىرىقبايەۆ، ق ر مادەنيەت جانە سپورت مينيسترلىگى جانىنداعى مادەنيەت كوميتەتىنىڭ ءتوراعاسى اقان ءابدۋالى، ەسىمى ەلگە ءمالىم قالامگەرلەر نەسىپبەك ايت ۇلى، الىبەك اسقاروۆ، وڭايگۇل تۇرجانوۆا، ايگۇل كەمەلبايەۆا، داۋلەتكەرەي كاپ ۇلى قاتىستى.
قازاقستان جازۋشىلار وداعى باسقارماسىنىڭ ءتوراعاسى ۇلىقبەك ەسداۋلەت قوعامداعى بيلەۋشى پارتيا مەن شىعارماشىلىق وداق اراسىنداعى مەموراندۋم ءىرى رۋحاني جوبالارعا، ۇلتتىق ماقساتتارعا، ءتىل مەن ءدىلدىڭ تىرەگى بولار باستامالارعا ۇيىتقى بولاتىنىن ايرىقشا اتادى.
مەموراندۋمنىڭ نەنىزگى ماقساتى - مەملەكەتتىك جانە ۇلتتىق قۇندىلىقتاردى دارىپتەۋ؛ ق ر تۇڭعىش پرەزيدەنتى، «Nur Otan» پارتياسىنىڭ ءتوراعاسى، ەلباسى ن.ءا.نازاربايەۆتىڭ قوعامدىق سانانى جاڭعىرتۋعا جانە اۋقىمدى ينستيتۋسيونالدىق رەفورمالاردى جۇرگىزۋگە باعىتتالعان رەفورمالارىن قولداۋ؛
مەملەكەت باسشىسى ق.ك.توقايەۆتىڭ «حالىق بىرلىگى جانە جۇيەلى رەفورمالار – ەل وركەندەۋىنىڭ بەرىك نەگىزى» اتتى قازاقستان حالقىنا جولداۋىندا ايتىلعان ۇلتتى ۇيىستىرۋ، ۇلتتىق بىرەگەيلىكتى نىعايتۋ، مەملەكەتتىك ءتىلدىڭ قولدانۋ اياسىن كەڭەيتۋ، ەلدىڭ مادەني الەۋەتىن كۇشەيتۋ باعىتىنداعى مىندەتتەردى ىسكە اسىرۋ؛
«Nur Otan» پارتياسىنىڭ «وزگەرىستەر جولى: ءار ازاماتقا لايىقتى ءومىر!» سايلاۋالدى باعدارلاماسىندا بەكىتىلگەن «پاراساتتى جانە زياتكەر قوعام»، «ءبىرتۇتاس ۇلت» جانە «قانداستار» باعىتتارىن ءتيىمدى ىسكە اسىرۋ.
ەكىجاقتى ىنتىماقتاستىق قۇجاتتا «Nur Otan» پارتياسى جانىنداعى «Miras» رەسپۋبليكالىق قوعامدىق كەڭەسىنىڭ جۇمىسىن قولداۋ جانە «Ulttyq Mura» پارتيالىق جوباسىنىڭ جۇمىسىن ۇيلەستىرۋ ماقساتىندا تاراپتاردىڭ وكىلەتتىكتەرى مەن قۇزىرەتتەرى اياسىندا كوپتەگەن جوبالار جۇزەگە اسىرىلماق.
وسى مەموراندۋمنىڭ العاشقى جەمىسى رەتىندە الداعى كۇندەرى ادەبيەت پەن ونەرگە قاتىستى بىرنەشە نوميناسيا بويىنشا "ۇلى دالا" بايقاۋى جاريالانباق.