ناريمان تابىنبايەۆ: ۆاكسينا - «قىزىل ايماققا» تۇسپەۋدىڭ سەنىمدى ءتاسىلى

وسى كەزگە دەيىن الماتى ستاسيونارلارىندا 41 400-دەن استام قالا تۇرعىنى كوروناۆيرۋستان ەمدەلدى.

قالالىق قوعامدىق دەنساۋلىق باسقارماسىنىڭ باسشىسى ناريمان تابىنبايەۆ وڭىرلىك كوممۋنيكاسيالار قىزمەتىندە وتكەن باسپا ءسوز كونفەرەنسياسىندا پاندەميا جىلىنىڭ اۋىر بولعانىن ەسكە سالىپ، قالا تۇرعىندارىن كوروناۆيرۋسقا قارسى ەكپە الۋعا شاقىردى، دەپ حابارلايدى Almaty-akshamy.kz.

2021 جىلدىڭ بەس ايىندا الماتىنىڭ كوۆيدتىك اۋرۋحانالارىندا 41 مىڭنان استام ادام ەم العان. ناريمان تابىنبايەۆتىڭ ايتۋىنشا، بۇگىندە ءوزىن جانە جاقىندارىن ينفەكسيادان قورعاۋعا مۇمكىندىك بارىن جانە ونى ءتيىمدى پايدالانۋ تۋرالى ايتتى.

قالالىق قوعامدىق دەنساۋلىق باسقارماسىنىڭ باسشىسى جاپپاي ۆاكسينالانۋ اۋرۋ جۇقتىرۋدىڭ الدىن الىپ، كىشكەنتاي بالالار مەن اۋىر سىرقاتى بار ادامداردى قورعايتىنىن اتاپ ءوتتى.

باسپا ءسوز كونفەرەنسياسى بارىسىندا ناريمان تابىنبايەۆ قالا تۇرعىندارىندا كوروناۆيرۋسقا قاتىستى جاعدايعا ىقپال ەتۋ مۇمكىندىگىنىڭ بار ەكەنىن ءسوز ەتتى. پاندەميانى ۆاكسينا ارقىلى جەڭۋگە بولادى.

«بۇل - سوVID-19 ىندەتىن الدىن الۋدىڭ جانە «قىزىل ايماققا» تۇسپەۋدىڭ سەنىمدى ءارى ءقاۋىپسىز ءتاسىلى. ءقازىردىڭ وزىندە الماتىدا 357 299 ادام ۆاكسينا الدى. ەكپە سالدىرعانداردىڭ جالپى سانىنداعى 41 117 ادام 60 جاستان اسقاندار»، - دەدى قدب باسشىسى.

الماتىدا مەديسينالىق ۇيىم، مەكتەپ، مادەنيەت، سپورت نىساندارىندا، بازار مەن قالانىڭ سوسو-دا 211 ۆاكسينا پۋنكتى جۇمىس ىستەيدى (250-گە دەيىن ۇلعايتۋ مۇمكىندىگىمەن). قۇرامىندا 1 257 ادام بار 304 ەكپە بريگادالارى جۇمىس جاساۋدا.

ناريمان تابىنبايەۆ الماتىنىڭ ساۋدا-ويىن-ساۋىق ورتالىقتارى، ساۋدا ۇيلەرىندەگى ۆاكسينا پۋنكتتەرىنىڭ تارتىمدى جۇمىستارىن اتاپ ءوتتى.

جۋرناليستەردىڭ سۇراقتارىنا جاۋاپ بەرگەن قدب باسشىسى «جاسىل ايماققا» قاراماستان، الماتىنىڭ ينفەكسيالىق اۋرۋحانالارىندا 701 ادامنىڭ ەم الىپ جاتقانىن، ولاردىڭ ىشىندە 27 بالا بارىن ايتتى. سوندىقتان ادام كوپ جينالاتىن جەردەن اۋلاق بولىپ، بايلانىستى ازايتىپ، كوروناۆيرۋستان ۆاكسينا الۋ قاجەت.