بۇقارالىق اقپارات قۇرالدارى نىساندارىن انتيتەرروريستىك تۇرعىدان قورعاۋ – تەرروريزم ءقاۋپى تونگەن جاعدايدا ماڭىزدى مىندەتتەردىڭ ءبىرى بولىپ سانالادى.
سەبەبى، ب ا ق نىساندارى – قىلمىسكەرلەر ءۇشىن ەڭ وسال جانە ستراتەگيالىق ماڭىزى بار ورىندار. اسىرەسە تەلە- جانە راديوحابار تاراتۋ ستانسيالارى توتەنشە جاعدايلار كەزىندە اقپارات تاراتۋدىڭ باستى كوزى بولىپ تابىلادى. مۇنداي نىساندارعا باقىلاۋ ورناتۋ ارقىلى قاسكويلەر جالعان اقپارات تاراتىپ، حالىق اراسىندا دۇربەلەڭ تۋعىزۋعا ارەكەت ەتۋى مۇمكىن.
وسىعان بايلانىستى، شتاتتان تىس جاعداي تۋىنداعان كەزدە قىزمەتكەرلەردىڭ العاشقى ءىس-قيمىل الگوريتمدەرىن ءبىلۋى – نىساننىڭ قاۋىپسىزدىگىن قامتاماسىز ەتۋدەگى باستى شارتتاردىڭ ءبىرى. تەرروريزم ءقاۋپى تونگەن ساتتە قىزمەتكەرلەر تەز ءارى ساۋاتتى ارەكەت ەتۋگە دايىن بولۋى ءتيىس. ەۆاكۋاسيا ەرەجەلەرىن مەڭگەرۋ مەن شۇعىل قىزمەتتەرمەن دۇرىس بايلانىس ورناتۋ – تەك ادام ءومىرىن امان ساقتاپ قالۋعا عانا ەمەس، سونىمەن قاتار ماتەريالدىق شىعىندى ازايتۋعا دا سەپتىگىن تيگىزەدى.
كريزيستىك جاعدايلاردا العاشقى ىس-ارەكەتتەردى مەڭگەرۋ ۇيىم ىشىندەگى قاۋىپسىزدىك مادەنيەتىن قالىپتاستىرۋعا ۇلەس قوسادى. بۇل – ءقاۋىپتىڭ الدىن الۋ مەن ونىڭ سالدارىن ازايتۋدىڭ ماڭىزدى تەتىگى.