كولىك سالىعىنان كىم بوساتىلادى؟

پرەزيدەنت قول قويعان جاڭا سالىق كودەكسىنە سايكەس، ءبىرقاتار جەڭىلدىك الۋشىلار كولىك سالىعىن تولەمەيدى، - دەپ حابارلايدى aqshamnews.kz

وزگەرىس 2026 جىلعى 1-قاڭتاردان باستاپ كۇشىنە ەنەدى.

ۇلى وتان سوعىسىنىڭ ارداگەرلەرى جانە ولارعا تەڭەستىرىلگەن ادامدار، سونىڭ ىشىندە شەتەلدەگى ۇرىس قيمىلدارىنا قاتىسقاندار؛
كسرو وردەندەرى مەن مەدالدارىمەن ەڭبەك جانە مايدانداعى قىزمەتى ءۇشىن ماراپاتتالعاندار؛

كەڭەس وداعىنىڭ باتىرلارى جانە سوسياليستىك ەڭبەك ەرلەرى؛
"حالىق قاھارمانى" جانە "قازاقستاننىڭ ەڭبەك ەرى" اتاعىنىڭ يەگەرلەرى؛
ءۇش دارەجەلى ەڭبەك داڭقى وردەنىنىڭ كاۆالەرلەرى؛
"وتان" وردەنىنىڭ يەگەرلەرى؛
"باتىر انا" وردەنىمەن نەمەسە "التىن القا"، "كۇمىس القا" ماراپاتتارىمەن ناگرادتالعان كوپبالالى انالار؛
موتوكولياسكاعا نەمەسە اۆتوكولىككە يە مۇگەدەكتىگى بار ادامدار (جەڭىلدىك ءبىر كولىك قۇرالىنا عانا قولدانىلادى).

ۇيىمدار ءۇشىن:

مەملەكەتتىك ورگاندار مەن وقۋ ورىندارى – قوزعالتقىش كولەمى 3 000 تەكشە سانتيمەترگە دەيىنگى ءبىر اۆتوكولىك پەن ءبىر اۆتوبۋسقا؛

اۋىل شارۋاشىلىعى ءونىمىن وندىرۋشىلەر مەن فەرمەرلەر – اگرووندىرىستە قولدانىلاتىن ارنايى تەحنيكاعا.

قوسىمشا:

ەسكى كولىكتەرگە سالىق جەڭىلدىگى: 10–20 جىلدىق كولىكتەرگە – 30%، 20 جىلدان اسقان كولىكتەرگە – 50% جەڭىلدىك؛ قۇنى 18 000 اەك-تەن (شامامەن 70،8 ملن تەڭگە) اساتىن اۆتوكولىكتى ساتقاندا 10% اكسيز ەنگىزىلەدى. ەگەر يەسى كولىكتى ءبىر جىلدان ارتىق ۋاقىت يەلەنسە – اكسيز الىنبايدى.