بۇدان بۇرىن قازاقستاننىڭ باس سانيتار دارىگەرى ەرلان قياسوۆتىڭ جاڭا قاۋلىسى شىققانىن حابارلاعانبىز.
باس سانيتاردىڭ اتالعان قاۋلىسىنا سايكەس، ۆاكسينالاۋعا قارسى كورسەتىلىمدەردىڭ تىزبەسى بەكىتىلدى دەپ حابارلايدى Almaty-akshamy.kz.
قۇجات بويىنشا ۆاكسينا ەنگىزۋگە قارسى كورسەتىلىمدەر مىنالار:
1) ۆاكسينانىڭ قانداي دا ءبىر كومپونەنتىنە (بەلسەندى زاتتارعا، قوسىمشا زاتتارعا) اللەرگيا نەمەسە وسى ۆاكسينانى الدىڭعى ەنگىزۋگە اللەرگيالىق رەاكسيالار؛
2) اۋىر سوزىلمالى اۋرۋلار نەمەسە انامنەزدەگى اسا جوعارى سەزىمتالدىق؛
3) جوعارى تەمپەراتۋرا نەمەسە ۆاكسينانى بۇلشىقەت ىشىنە ەنگىزگەن كەزدە پايدا بولۋى مۇمكىن قان كەتۋ تاۋەكەلىنە بايلانىستى اۋرۋدىڭ ءجىتى فازاسى؛
4) جۇكتىلىك جانە ەمىزۋ كەزەڭى؛
5) 18 جاسقا دەيىنگىلەر.
باس سانيتاردىڭ قاۋلىسىندا «ۆاكسيناسيادان كەيىنگى اۋىر اسقىنۋلار» ۇعىمىنا انىقتاما بەرىلگەن.
«ۆاكسيناسيادان كەيىنگى اۋىر اسقىنۋلار (انافيلاكتيكالىق شوك، اۋىر جايىلعان اللەرگيالىق رەاكسيالار، قۇرىسۋ سيندرومى، 40°س-تان جوعارى تەمپەراتۋرا)»، - دەپ جازىلعان قۇجاتتا.