2025 جىلعى 1 جەلتوقسانداعى جاعداي بويىنشا جۇمىسپەن قامتۋعا جاردەمدەسۋدىڭ بەلسەندى شارالارىمەن 296 مىڭعا جۋىق ادام قامتىلدى، 821،1 مىڭ قازاقستاندىق جۇمىسقا ورنالاستىرىلدى، - دەپ حابارلايدى Aqshamnews.kz.
سۋبسيديالاناتىن جۇمىس ورىندارىنا 168،3 مىڭ ادام جۇمىسقا ورانالاستى، ونىڭ ىشىندە: الەۋمەتتىك جۇمىس ورىندارىندا 13،4 مىڭ ادام، جاستار پراكتيكاسىندا 29،1 مىڭ ادام، قوعامدىق جۇمىستاردا 99،9 مىڭ ادام، «كۇمىس جاس» جوباسى اياسىندا 18،7 مىڭ ادام، «العاشقى جۇمىس ورنى» جوباسى بويىنشا 6،9 مىڭ ادام، «ۇرپاقتار كەلىسىمشارتى» جوباسى شەڭبەرىندە 315 ادام جۇمىسپەن قامتىلدى.
جاڭا بيزنەس-باستامالاردى جۇزەگە اسىرۋ ءۇشىن حالىقتىڭ الەۋمەتتىك وسال ساناتىنا جاتاتىن ازاماتتارعا 400 اەك-كە دەيىن (1 572 800 تەڭگە) 9 239 گرانت بەرىلدى.
ەڭبەك نارىعىنداعى سۇرانىسقا يە داعدىلار بويىنشا ونلاين وقىتۋمەن 59،2 مىڭ جۇمىسسىز قامتىلدى، ونىڭ ىشىندە 53،5 مىڭى وقۋدى اياقتاپ، سەرتيفيكات الدى.
«باستاۋ بيزنەس» جوباسى بويىنشا كاسىپكەرلىك نەگىزدەرىنە وقىتۋمەن 50 مىڭ ادام قامتىلدى، ونىڭ ىشىندە 27،6 مىڭ ادام وقۋدى اياقتادى.
جۇمىس بەرۋشىلەردىڭ ءوتىنىشى بويىنشا كاسىپتىك وقىتۋعا 9 161 ادام جىبەرىلدى، ونىڭ ىشىندە 6 375 ادام وقۋدى اياقتادى. وقۋدى اياقتاعاننان كەيىن 6 118 ادام جۇمىسقا ورنالاستى.
بۇدان باسقا، قىزمەت سالاسىن تاڭداۋ ماقساتىندا كاسىپتىك ورتالىقتاردا 363،2 مىڭ ادام الەۋمەتتىك كاسىپتىك باعدارلاۋدان ءوتىپ، كەڭەس بەرۋ قىزمەتتەرىن الدى.
ازاماتتاردى جۇمىسقا ورنالاستىرۋ بىرنەشە باعىت بويىنشا جۇزەگە اسىرىلاتىنىن جانە شىن مانىندە جۇمىسقا ورنالاسقاندىعى ولار ءۇشىن مىندەتتى زەينەتاقى جارنالارىنىڭ اۋدارىلۋىمەن راستالاتىنىن اتاپ وتكەن ءجون.
ماسەلەن، 2025 جىلعى 1 جەلتوقساندا 821،1 مىڭ ادام جۇمىسقا ورنالاستىرىلدى، ونىڭ ىشىندە: حالىقتى جۇمىسپەن قامتۋعا جاردەمدەسۋدىڭ بەلسەندى شارالارى شەڭبەرىندە – 177،5 مىڭ ادام؛ ەلەكتروندىق ەڭبەك بيرجاسىندا جۇمىس بەرۋشىلەر ورنالاستىرعان بوس جۇمىس ورىندارىنا 209،8 مىڭ ادام؛ مەملەكەت باسشىسىنىڭ «10 مىڭ تۇرعىنعا 100 جۇمىس ورنى» باستاماسى شەڭبەرىندە – 394،8 مىڭ ادام؛ ورتالىق مەملەكەتتىك ورگاندار ىسكە اسىراتىن جوبالار شەڭبەرىندە – 39 مىڭ ادام جۇمىسپەن قامتىلدى.