تەمىرتاۋدا جاسوسپىرىمدەر قوزعالىستاعى كولىك ارتىنا جابىسىپ، جولدا ومىرلەرىن قاتەرگە تىكتى.
قاراعاندى وبلىسىندا كامەلەتكە تولماعان ءۇش بالانىڭ جولدا كەتىپ بارا جاتقان گازەل اۆتوكولىگىنە جارماسىپ، جول بويىمەن قوزعالعان ءساتى تۇسىرىلگەن بەينەجازبا الەۋمەتتىك جەلىلەردە تارادى، دەپ حابارلايدى aqshamnews.kz Polisia.kz-كە سىلتەمە جاساپ.
وقيعا جول قوزعالىسى ەرەجەلەرىن ورەسكەل بۇزۋمەن قاتار بالالاردىڭ ومىرىنە ەلەۋلى ءقاۋىپ توندىرگەن. جەدەل تۇردە جۇرگىزىلگەن تەكسەرۋ ناتيجەسىندە وقۋشىلاردىڭ جەكە تۇلعالارى انىقتالدى. ولار 10-11 جاس ارالىعىنداعى مەكتەپ وقۋشىلارى بولىپ شىقتى. بارلىق بالا زاڭدى وكىلدەرىمەن بىرگە پوليسيا بولىمىنە جەتكىزىلدى. بالالاردىڭ اتا-انالارىنا قاتىستى بالا تاربيەسىنە نەمقۇرايلى قاراعانى ءۇشىن اكىمشىلىك جاۋاپكەرشىلىككە تارتىلدى.
اتالعان ءىس بويىنشا ماتەريالدار كامەلەتكە تولماعانداردىڭ ىستەرى جانە ولاردىڭ قۇقىقتارىن قورعاۋ جونىندەگى كوميسسياعا جولداندى. سونىمەن قاتار جاسوسپىرىمدەر مەكتەپىشىلىك ەسەپكە الىناتىن بولادى. پوليسيا قىزمەتكەرلەرى اتا-انالارعا بالالارىنىڭ ءجۇرىس-تۇرىسىن باقىلاۋدا ۇستاۋدىڭ جانە ولاردى جولداعى قاۋىپ-قاتەردەن ساقتاندىرۋدىڭ ماڭىزدىلىعىن ەسكە سالادى. مۇنداي نەمقۇرايلىق قايعىلى جاعدايلارعا الىپ كەلۋى مۇمكىن.