جازىل دا، ۇتىپ ال!
«Alataý Aqparat» ج ش س ۇيىمداستىرعان «Almaty aqshamy» مەن «ۆەچەرنيي Almaty» گازەتتەرىنىڭ تۇراقتى وقىرماندارىنا ارنالعان بايقاۋدىڭ جەڭىمپازدارى بەلگىلى بولدى.
«Almaty aqshamy» گازەتىنە 6 ايعا جانە ءبىر جىلعا جازىلعان وقىرماندار اراسىنداعى بۇل بايقاۋ جىلىنا ەكى رەت وتكىزىلەدى. اعىمداعى جىلدىڭ ءساۋىر ايىنان باستاپ، ماۋسىم ايىنا دەيىن الماتىلىقتار 2021 جىلدىڭ ەكىنشى جارتىسىنا جازىلىپ، «Almaty aqshamy» سىيلىعىنا ۇمىتكەر بولدى. سىيلىق الۋعا نيەت بىلدىرۋشىلەر دە كوپ.
جەرەبە قورىتىندىسى بويىنشا «جازىل دا، ۇتىپ ال!» بايقاۋىندا ەكى وقىرمانىمىز جەڭىمپاز اتاندى. ARG SL-155 ماركالى شاڭسورعىشتى ادال وقىرماندارىمىزدىڭ ءبىرى ءادىلجان قىستاۋبايەۆ جەڭىپ السا، الماتىلىق اجار سايبولاتوۆا Tritower RHB-3901 بلەندەرىن جەڭىپ الدى. پاندەمياعا دەيىن بايقاۋ جەڭىمپازدارىن ماراپاتتاۋ رەداكسيادا وتەتىن. قالاداعى ەپيدەميولوگيالىق جاعدايعا بايلانىستى بارلىق سىيلىقتى جەڭىمپازداردىڭ تۇرعىلىقتى مەكەنجايلارى بويىنشا «Alataý Aqparat» ج ش س كوممەرسيالىق ديرەكتورى قۋانىش ديۋسكالييەۆ جەتكىزدى.
«ءبىز وقىرماندارىمىزدىڭ گازەتكە جازىلۋدا وتە بەلسەندى بولعاندارىنا قۋانىشتىمىز. جازىلۋ ابونەمەنتتەرى بىزگە كۇن سايىن بارلىق جازىلۋ كومپانياسى كەزەڭىندە كەلىپ ءتۇستى. بۇل «Almaty aqshamy» قالا تۇرعىندارى اراسىندا تانىمال گازەت بولىپ قالا بەرەتىنىن جانە وقىرماندارعا پايدالى، قاجەتتى اقپاراتتى بەرەتىنىن تاعى دا راستايدى. بايقاۋ جەڭىمپازدارىن شىن جۇرەكتەن قۇتتىقتايمىز! قۇرمەتتى وقىرماندار، بايقاۋعا بەلسەندى قاتىسقاندارىڭىز ءۇشىن العىس ايتامىز»، – دەدى قۋانىش ديۋسكالييەۆ.
