ق ر پرەزيدەنتى قاسىم-جومارت توقايەۆ «حالىق بىرلىگى جانە جۇيەلى رەفورمالار – ەل وركەندەۋىنىڭ بەرىك نەگىزى» جولداۋىندا قازاقستان حالقىنىڭ ءال-اۋقاتىن ارتتىرۋدىڭ نەگىزگى باسىمدىقتارى ايقىندالدى. مەملەكەت باسشىسىنىڭ ەڭ ماڭىزدى جانە ناقتى تاپسىرمالارى، ەڭ الدىمەن، حالىقتىڭ ءال-اۋقاتىن جاقسارتۋعا عانا ەمەس، سونىمەن قاتار، بۇعان ىقپال ەتەتىن سالالارعا، اتاپ ايتقاندا، ءبىلىم بەرۋگە باعىتتالعان. جولداۋدا پرەزيدەنت ءبىلىم ساپاسىن جاقسارتۋ جولدارى مەن مۇعالىمدەردى قولداۋعا ەرەكشە توقتالدى.
مەملەكەت باسشىسىنىڭ بۇل باعىتتاعى ساياساتىن قازاقستان رەسپۋبليكاسىنىڭ ءبىلىم جانە عىلىم ءمينيسترى اسحات ايماعامبەتوۆ بەلسەندى قولداۋدا. ءقازىردىڭ وزىندە پەداگوگيكالىق قىزمەتكەرلەردى عانا ەمەس، ستۋدەنتتەردى دە جىگەرلەندىرەتىن ناقتى ءىس-شارالار قابىلداندى. مينيستر پرەزيدەنتىمىزدىڭ مەملەكەتتىك ۋنيۆەرسيتەتتەر قىزمەتكەرلەرىنىڭ جالاقىسىن كوتەرۋ تۋرالى شەشىمىنىڭ ماڭىزدىلىعىن بىرنەشە رەت اتاپ ءوتتى. بۇل تاپسىرما اباي ۋنيۆەرسيتەتىندە دە جۇزەگە اسىرىلىپ، وقىتۋشىلاردىڭ جالاقىسى ايتارلىقتاي ءوستى.
قازىرگى جاھاندىق وزگەرىستەر كەزەڭىندە جوعارى وقۋ ورنىنىڭ تۇلەگىنىڭ ءبىلىمى ەڭبەك نارىعىنا شىققانعا دەيىن جەتكىلىكسىز بولىپ قالۋى مۇمكىن. سوندىقتان مينيسترلىك پەن جوعارى وقۋ ورىندارىنىڭ الدىندا وقۋ باعدارلامالارىن جاڭا تالاپقا بەيىمدەۋ مىندەتى تۇر. ەلگە جىگەرلى جانە بىلىكتى ماماندار قاجەت. مۇعالىمدەردىڭ سيفرلىق ساۋاتتىلىعىن ارتتىرۋ، ورتا ءبىلىم بەرۋ مەكەمەلەرىنىڭ باسشىلارىمەن تىعىز بايلانىس ورناتۋ، بىلىكتىلىكتى ارتتىرۋ كۋرستارىن قۇرۋ بويىنشا جۇمىستار جاڭا باعىت الدى. ءبىرقاتار قىزىقتى جوبالار ازىرلەنىپ، جۇزەگە اسىرىلۋدا. بۇل باعىتتا اباي اتىنداعى قازۇپۋ دا جۇيەلى جۇمىستاردى قولعا الىپ، كىرىسىپ تە كەتتى.
وسىلايشا، «سيفرلىق ءمۇعالىم» جوباسى اياسىندا ۋنيۆەرسيتەتتىڭ وقىتۋشىلارى جاڭا وقۋ جىلىنا ارنالعان بىلىكتىلىكتى ارتتىرۋ كۋرستارىنان جانە ارنايى دايىندىقتان ءوتتى. قازۇپۋ ماماندارىنىڭ جانە الماتى وبلىسىنىڭ ءبىلىم باسقارماسى مەن قاراساي اۋدانى ءبىلىم ءبولىمىنىڭ باسشىلىعىنىڭ قاتىسۋىمەن ورتا ءبىلىم بەرۋ ۇيىمدارىنىڭ باسشىلارى ءۇشىن «مەكتەپتەگى كوشباسشىلىق جانە ءتيىمدى باسقارۋ» بىلىكتىلىكتى ارتتىرۋ كۋرسى جۇرگىزىلدى. كۋرس بارسىندا ءبىلىم سالاسىنداعى كوشباسشىلىق تەوريالار مەن زەرتتەۋ ادىستەرى، جالپى ءبىلىم بەرەتىن مەكتەپتى باسقارۋدىڭ ءبىرىنشى جىلىندا كەزدەسەتىن قيىندىقتار، قازاقستان ءبىلىم جۇيەسىندەگى شاعىن زەرتتەۋلەر، ءبىلىم سالاسىنداعى وزگەرىستەردىڭ مەكتەپ دەڭگەيىندە ورنىعۋدىڭ نەگىزگى كەزەڭدەرى: ءار كەزەڭدەگى مەكتەپ ديرەكتورىنىڭ ارەكەتى، ءححى عاسىر مەكتەپ ديرەكتورىنىڭ رولدەرى سياقتى وزەكتى تاقىرىپتار كەڭىنەن تالقىلاندى.
جىل سايىن 50 مىڭ مەكتەپ تۇلەگى جوعارى وقۋ ورىندارىنا اقىلى نەگىزدە تۇسەدى. وعان ۋنيۆەرسيتەت تاراپىنان الەۋمەتتىك قولداۋ كورسەتىلەدى. سەبەبى، ستۋدەنتتەردىڭ جارتىسىنان استامى – از قامتىلعان وتباسىلاردان شىققان ستۋدەنتتەر. ارينە، بارلىق ءبىلىم الۋشىلار بۇل جاڭالىقتى قۋانا قابىلدادى. اعىمداعى جىلدىڭ قىركۇيەگىنەن باستاپ پرەزيدەنتتىڭ تاپسىرماسىن جانە Nur Otan پارتياسىنىڭ سايلاۋالدى باعدارلاماسىن ىسكە اسىرۋ اياسىندا باكالاۆرلار شاكىرتاقىسى 20%-عا، ماگيسترانتتار مەن دوكتورانتتاردىڭ شاكىرتاقىسى 15%-عا ارتتى.