كەربۇلاق اۋدانىندا پوليسەيلەر ينتەرنەت-الاياقتاردىڭ قولىنا تۇسكەن 800 مىڭ تەڭگەنى زەينەتكەرگە قايتارىپ بەردى، – دەپ حابارلايدى aqshamnews.kz ءتىلشىسى Polisia.kz-كە سىلتەمە جاساپ.
جەتىسۋ وبلىسى كەربۇلاق اۋداندىق پوليسيا بولىمىنە 64 جاستاعى جەرگىلىكتى تۇرعىن الاياقتىڭ قۇربانى بولعانىن ايتىپ ارىزداندى. قاريانىڭ سوزىنشە، ول تابىس تابامىن دەپ ينتەرنەت ارقىلى اكسيا ساتىپ العان، الايدا سونىڭ سالدارىنان 800 مىڭ تەڭگەسىنەن ايىرىلىپ قالدى.
اۋداندىق پوليسيا ءبولىمىنىڭ تەرگەۋشىسى ءمادينا تولەمىس زاڭ اياسىندا جەدەل شارالار قابىلداپ، سوتقا دەيىنگى تەرگەۋدى باستادى. تەرگەۋ بارىسىندا اقشا العان ادامنىڭ جەكە باسى انىقتالدى.
پوليسەيلەردىڭ جەدەل جانە كاسىبي ءىس-قيمىلىنىڭ ارقاسىندا جابىرلەنۋشىنىڭ اقشاسى تولىق قايتارىلدى. بۇل دەرەك بويىنشا تەرگەۋ امالدارى جالعاسىپ جاتىر. مۇنداي جاعدايلار ازاماتتارعا كەز كەلگەن ونلاين-ساتىپ الۋ نەمەسە ينۆەستيسيا كەزىندە ساق بولۋدىڭ ماڭىزدىلىعىن ەسكە سالادى. پوليسيا قىزمەتكەرلەرى كۇماندى سايتتار مەن جارنامالارعا سەنبەۋگە، ال از دا بولسا كۇدىك تۋىنداعان جاعدايدا ىشكى ىستەر ورگاندارىنا جۇگىنۋگە شاقىرادى.