4995 ادام جاڭا ايماقتىڭ نومەرىمەن كولىكتەرىن راسىمدەدى
جەتىسۋ وبلىسىندا 20 ملن تەڭگەدەن استام قارجىعا كولىكتىڭ VIP نومىرلەرى ساتىلعان، دەپ حابارلايدى Almaty-akshamy.kz قازاقپاراتقا سىلتەمە جاساپ.
«جەتىسۋ وبلىسى قۇرىلعان ۋاقىتتان بەرى، ياعني 2022 جىلدىڭ 15 شىلدە مەن 31 جەلتوقسان ارالىعىندا 20 682 455 تەڭگەگە كولىكتىڭ 64 VIP ءنومىرى ساتىلدى. ونىڭ ىشىندە، 41 كولىكتىڭ مەملەكەتتىك تىركەۋ نومەرى 19 ايماق بەلگىسىمەن راسىمدەلدى. حالىق اراسىندا 019 AAA 19، 919 AAA 19، 999 AAA 19 نومىرلەرىنە سۇرانىس جوعارى»،- دەدى «ازاماتتارعا ارنالعان ۇكىمەت» كورپوراسياسى جەتىسۋ وبلىسى بويىنشا فيليالىنىڭ ديرەكتورى سامات يمانعالييەۆ.
جالپى، جەتىسۋ وبلىسىندا كولىكتىڭ 19 ايماق مەملەكەتتىك تىركەۋ نومەرى 21 قىركۇيەكتە بەرىلە باستادى.
وسى ۋاقىتتان بەرى 4995 ادام جاڭا ايماقتىڭ نومەرىمەن كولىكتەرىن راسىمدەدى.
ايتا كەتەيىك، جالپى، كولىككە VIP ءنومىر الۋدىڭ باعاسى 174-698 مىڭ تەڭگە ارالىعىندا.
ماسەلەن، 010،020.030 سىندى سانداردان باستالاتىن كولىكتىڭ VIP نومەرى 174 591 تەڭگە بولسا،100، 200، 500 سىندى ساندار - 419 631 تەڭگە.
ال 001، 002، 003، 007 VIP نومەرلەردىڭ باعاسى 698 364 تەڭگەگە باعالانعان.