توتەنشە جاعداي رەجيمى 31 تامىزعا دەيىن ۇزارتىلدى.
جاپونيانىڭ ءتورت پرەفەكتۋراسى كوروناۆيرۋستىڭ ورشۋىنە بايلانىستى توتەنشە جاعداي جاريالايدى، دەپ حابارلايدى Almaty-akshamy.kz COVID-19 تارالۋىنا جول بەرمەۋ جونىندەگى ۆاك-عا سىلتەمە جاساپ.
بۇعان دەيىن توكيوداعى توتەنشە جاعداي رەجيمى 31 تامىزعا دەيىن ۇزارتىلعان بولاتىن. ەلدە ينفەكسيا تارالۋ كورسەتكىشى وليمپيادا ويىندارىنىڭ باستالۋىمەن كۇرت ءوستى.
پاريجدە ۆاكسينالاۋ مەن سانيتاريالىق وتكىزۋ قۇجاتتارىنا قارسى دەمونستراسياعا قاتىسۋشىلارعا قارسى كوزدەن جاس اعىزاتىن گاز قولدانىلدى. ءتارتىپ ساقشىلارى جينالعاندارعا توسقاۋىل قويۋعا تىرىستى، ءىشىنارا قاقتىعىستار ورىن الدى، پوليسيا شەرۋدىڭ ارتى تارتىپسىزدىكتەرگە ۇلاسۋىنان قاۋىپتەنىپ وتىر.
ليۆانداعى مەيرامحانالار مەن جاعاجايلار 2 تامىزدان باستاپ تەك ۆاكسينالانعان ادامداردى قابىلدايدى. جاڭا ەرەجەلەر 16 جاستان اسقان بارلىق ازاماتتارعا قولدانىلادى. سونداي-اق 2 تامىزدان باستاپ تۋريستىك سالانىڭ بارلىق قىزمەتكەرلەرى جۇمىسقا تەك QR-كود كورسەتۋ ارقىلى شىعا الادى.