جامبىل وبلىسىندا پوليسيا 40 جاستاعى شۋ قالاسىنىڭ تۇرعىنىن قاتىگەزدىكپەن ءولتىرۋ فاكتىسى بويىنشا تەرگەۋ جۇرگىزىپ جاتىر، دەپ حابارلايدى اqshamnews.kz ءتىلشىسى كتك ارناسىنا سىلتەمە جاساپ.
تەلەارنا مالىمەتىنشە، ايەل بىرنەشە كۇن بويى تۋعاندارىمەن بايلانىسقا شىقپاعان. الماتىدان كەلگەن ۇلى اناسىن ءوز پاتەرىندە ءولى كۇيىندە تاۋىپ العان. مارقۇمنىڭ دەنەسىندە پىشاق جاراقاتتارى بولىپ، قاتتى زاقىمدانعانى انىقتالعان.
پوليسيانىڭ حابارلاۋىنشا، جەدەل ىزدەستىرۋ شارالارىنىڭ ناتيجەسىندە كۇدىكتى رەتىندە شۋعا قاراستى اۋداننىڭ 35 جاستاعى تۇرعىنى ۇستالدى. ول قازا تاپقان ايەلمەن بۇرىننان تانىس بولعانى بەلگىلى، الايدا قىلمىستىڭ سەبەبى ازىرگە جاريا ەتىلمەي وتىر.
«پوليسيا قىزمەتكەرلەرى شۋ اۋدانىنىڭ 35 جاستاعى تۇرعىنىن كۇدىكتى رەتىندە ۇستاپ، ۋاقىتشا ۇستاۋ يزولياتورىنا قامادى. قازىرگى ۋاقىتتا قىلمىستى جان-جاقتى، تولىق جانە وبەكتيۆتى تەرگەۋگە، سونداي-اق بارلىق ءمان-جايدى انىقتاۋعا باعىتتالعان قاجەتتى تەرگەۋ ارەكەتتەرى جۇرگىزىلىپ جاتىر»، – دەپ حابارلادى پوليسيا.