FlyArystan اۋە كومپانياسى Heart Center Foundation قوعامدىق قورىمەن سەرىكتەستىكتى كەڭەيتىپ، وڭىرلەردەگى دارىگەرلەردىڭ كاسىبي بىلىكتىلىگىن ارتتىرۋ مەن تاجىريبە الماسۋعا، سونداي-اق تۋا بىتكەن جۇرەك اقاۋى بار (تجا) ناۋقاستاردى قولداۋعا باعىتتالعان ءبىلىم بەرۋ باستامالارى اياسىنداعى ىنتىماقتاستىقتى جالعاستىرۋدا.
بۇگىن الماتى قالاسىندا UMC (University Medical Center) جۇرەك ورتالىعى ماماندارىنىڭ قاتىسۋىمەن «پاسيەنتتەر مەكتەبى» جوباسى شەڭبەرىندەگى كەزەكتى كوشپەلى وقىتۋ سەسسياسى ءوتتى. FlyArystan اۋەكومپانياسى استانادان بالالار كارديولوگتارى مەن كارديوحيرۋرگتارىنىڭ ۇشۋىن قامتاماسىز ەتىپ، دارىگەرلەر مەن تجا-مەن اۋىراتىن بالالاردىڭ اتا-انالارىنا ارنالعان ءبىرقاتار دارىستەر مەن پراكتيكالىق شەبەرلىك ساباقتارىنىڭ وتۋىنە قولداۋ كورسەتتى. بۇل شارا اتا-انالارعا جەتەكشى حيرۋرگتارمەن جەكە كەزدەسىپ، كونسۋلتاسيا الۋ مۇمكىندىگىن ۇسىندى.
ريچارد لەدجەر، FlyArystan اق پرەزيدەنتى:
«Heart Center Foundation قورىمەن سەرىكتەستىك 2024 جىلدىڭ كۇزىندە باستاۋ الىپ، ءبىزدىڭ ۇزاق مەرزىمدى الەۋمەتتىك ستراتەگيامىزدىڭ ماڭىزدى بولىگىنە اينالدى. ءبىز بۇل ىنتىماقتاستىقتى ءبىر رەتتىك باستاما رەتىندە ەمەس، قازاقستانداعى دەنساۋلىق ساقتاۋ جۇيەسىنىڭ دامۋىنا ناقتى اسەر ەتە الاتىن تۇراقتى باعىت رەتىندە قاراستىرامىز. وتكەن جىلى FlyArystan قوستاناي، قىزىلوردا، ورال جانە اقتاۋ قالالارىندا دارىگەرلەرگە ارنالعان وقىتۋ سەسسيالارىن وتكىزۋگە قولداۋ كورسەتتى. وسىلايشا سەرىكتەستەرگە تاجىريبە الماسۋ مەن جۇرەك-قانتامىر اۋرۋلارىن ەمدەۋدىڭ زاماناۋي تاسىلدەرىن ەنگىزۋ الاڭىن قۇرۋعا مۇمكىندىك بەردى. وڭىرلەر مەن ادامداردى بايلانىستىراتىن اۋەكومپانيا رەتىندە ءبىز قوعامنىڭ دامۋىنا ءوز ۇلەسىمىزدى قوسۋعا جانە العا بىرگە قادام باسۋعا ۇمتىلامىز».
پراكتيكالىق شەبەرلىك ساباعى بارىسىندا UMC جۇرەك ورتالىعىنىڭ ماماندارى جۇرەك ىرعاعىنىڭ اۋىتقۋلارى مەن اۋىر دەڭگەيدەگى جۇرەك اقاۋلارى بار بالالاردى تەكسەرىپ، قورىتىندىلار جاساپ، ناتيجەلەردى تالداۋ كەزىندەگى كۇردەلىلىكتەردى ءتۇسىندىردى. بالالار كارديولوگى ايكەرىم جانات قىزى جۇكتىلىك كەزىندەگى تەكسەرۋلەردىڭ ماڭىزدىلىعىنا توقتالسا، تاتيانا يۆانوۆا-رازۋموۆا – تۋا بىتكەن جۇرەك اقاۋى بار بالالارعا اتا-انالىق كۇتىم كورسەتۋ ەرەكشەلىكتەرى تۋرالى باياندادى.
مۇرات زاۋىروۆ، Heart Center Foundation قورىنىڭ ديرەكتورى:
«اقتاۋدا وتكەن “پاسيەنت مەكتەبى” جوباسىنىڭ ناتيجەلەرى مۇنداي ءبىلىم بەرۋ باستامالارىنىڭ اتا-انالار مەن مەديسينالىق قاۋىمداستىق ءۇشىن قانشالىقتى ماڭىزدى جانە قاجەت ەكەنىن كورسەتتى. مۇنداي كەزدەسۋلەر اۋرۋدىڭ ەرەكشەلىكتەرىن جاقسى تۇسىنۋگە كومەكتەسىپ، ۋاقتىلى كومەككە جۇگىنۋگە ىنتالاندىرادى. ءبىزدىڭ مىندەتىمىز – دارىگەرلەر مەن قوعام اراسىنداعى بايلانىستى قامتاماسىز ەتىپ، ماڭىزدى مەديسينالىق اقپاراتتى بارىنشا قولجەتىمدى ەتۋ. ءبىز بۇل باعىتتاعى جوبالاردى جالعاستىرۋعا مۇددەلىمىز جانە FlyArystan كومپانياسىن – ءار وڭىردەگى دارىگەرلەر مەن پاسيەنتتەر ءۇشىن ءبىلىم بەرۋ باستامالارىنىڭ قولجەتىمدى بولۋىنا ىقپال ەتەتىن سەنىمدى سەرىكتەس رەتىندە كورەمىز».
2025 جىلدىڭ قازان ايىندا ەكولوگيا، الەۋمەتتىك جاۋاپكەرشىلىك جانە كورپوراتيۆتىك باسقارۋ سالالارىنداعى ستراتەگيالىق ماقساتتارعا جەتۋگە ۇلەس قوسقان Air Astana توبىنىڭ سەرىكتەستەرىن ماراپاتتايتىن ESG Awards سالتاناتتى ءراسىمى ءوتتى. بيىلعى جىلى 11 كومپانيا لاۋرەات اتاندى. ولاردىڭ قاتارىندا وڭىرلىك دەنساۋلىق ساقتاۋ جۇيەسىنىڭ تۇراقتى دامۋىنا قوسقان ۇلەسى ءۇشىن Heart Center Foundation قورى دا ماراپاتتالدى.
FlyArystan تۋرالى:
FlyArystan – Air Astana توبىنىڭ 100% ەنشىلەس كومپانياسى بولىپ تابىلاتىن قازاقستاندىق لوۋكوستەر. ول ءوز قىزمەتىن 2019 جىلدىڭ مامىر ايىندا باستادى. 2025 جىلدىڭ قاڭتار ايىنان باستاپ FlyArystan ءوز ەكسپلۋاتانت سەرتيفيكاتىن الىپ، FS كودى بويىنشا تاۋەلسىز اۋەكومپانيا رەتىندە قىزمەت كورسەتۋدە. اۋەكومپانيا الماتى، استانا جانە اقتاۋ قالالارىندا ورنالاسقان بازالارىنداعى زاماناۋي A320 ۇشاقتارىنان قۇرالعان اۋە پاركىمەن رەيستەر ورىندايدى. FlyArystan كەڭ اۋقىمدى مارشرۋتتار جەلىسى ىشكى جانە حالىقارالىق رەيستەردى، سونداي-اق چارتەرلىك باعىتتاردى قامتيدى. FlyArystan 2023، 2024 جانە 2025 جىلدارى ءۇش رەت Skytrax World Airline Awards تاراپىنان ورتالىق ازيا جانە تمد-نىڭ ەڭ ۇزدىك بيۋدجەتتىك اۋەكومپانياسى دەپ تانىلدى.
Heart Center Foundation تۋرالى:
Heart Center Foundation قوعامدىق قورى – دەنساۋلىق ساقتاۋ سالاسىنداعى جوبالاردى ىسكە اسىراتىن قازاقستانداعى العاشقى ەنداۋمەنت-قور. قوردىڭ ميسسياسى – عىلىمدى، ءبىلىم مەن اعارتۋدى بىرىكتىرە وتىرىپ، قازاقستاندا كارديوحيرۋرگيالىق جانە كارديولوگيالىق قىزمەتتى دامىتۋعا ىقپال ەتۋ. قوردىڭ قۇرىلتايشىلارىنىڭ ءبىرى – University Medical Center باسقارما ءتوراعاسى، دارىگەر كارديوحيرۋرگ، مەديسينا عىلىمدارىنىڭ دوكتورى، ق ر ۇعا اكادەميگى يۋريي ۆلاديميروۆيچ پيا.