ۆاكسينا الماي تۇرىپ، الدىمەن اعزادا انتيدەنەلەردىڭ بولۋىنا يفت-تەست تاپسىرۋ كەرەك.
№12 قالالىق ەمحانانىڭ ەپيدەميولوگى دانارا ۋكييەۆا اۋرۋدان كەيىن انتيدەنەلەردىڭ التى اي بويى ساقتالاتىنىن ايتتى، دەپ حابارلايدى Almaty-akshamy.kz.
ۆاكسينا الماي تۇرىپ، الدىمەن اعزادا انتيدەنەلەردىڭ بولۋىنا يفت-تەست تاپسىرۋىڭىز كەرەك. ەگەر ۆاكسينانىڭ ءبىرىنشى دوزاسىن العان ناۋقاس اۋىرىپ قالسا، ەكىنشىسىن سالدىرۋ ءۇشىن التى اي كۇتۋ قاجەت.
«ەگەر انتيدەنەلەر سانى بەلگىلى ءبىر تيتر مولشەرىنەن اسىپ كەتسە، وندا ۆاكسينا الۋعا بولمايدى. ال انتيدەنەلەر سانى از بولسا، ۆاكسينا قاجەت، ايتپەسە، اۋىرىپ قالۋىڭىز مۇمكىن. ءار اعزانىڭ دەربەس جانە انتيدەنەلەردىڭ جويىلۋ جىلدامدىعى ءارتۇرلى ەكەنىن ءتۇسىنۋ كەرەك»، — دەدى دانارا ۋكييەۆا.
ەپيدەميولوگ ۆاكسينانىڭ قالاي وتەتىنىن ءتۇسىندىردى: ازامات ەكپە پۋنكتىنە كەلەدى، كەلىسىمگە قول قويادى، تەراپيەۆتەن مەديسينالىق تەكسەرۋدەن وتەدى جانە وسىدان كەيىن عانا دەلتويدتى بۇلشىقەتكە ۆاكسينانىڭ ءبىرىنشى دوزاسىن الادى. سودان كەيىن بەيدج بەرىلىپ، كۇتۋ ايماعىنا جىبەرىلەدى، وندا وتىز مينۋت مامانداردىڭ باقىلاۋىندا بولادى. ۆاكسينادان كەيىن ناۋقاستاردىڭ دەنساۋلىعى سۇرالادى.
دانارا ۋكييەۆانىڭ ايتۋىنشا، ۆاكسينانى 18 جاسقا دەيىنگى ادامدار، جۇكتى ايەلدەر، ەمىزەتىن ايەلدەر، سونداي-اق اللەرگيالىق رەاكسيالار مەن سوزىلمالى اۋرۋلارى بار ادامداردان باسقالار الۋعا ءتيىس.
ەسكە سالساق، الماتىدا قالا تۇرعىندارىنىڭ ۆاكسينا الۋ ناۋقانى ءجۇرىپ جاتىر. الماتىلىقتارعا ىڭعايلى بولۋ ءۇشىن قالادا 211 ەكپە پۋنكتى جۇمىس ىستەيدى. ولار ەمحانا، ساۋدا ورتالىقتارى، بازار، مەكتەپ، مادەنيەت نىساندارىندا ورنالاسقان جانە كۇن سايىن دەمالىسسىز تاڭعى 8-دەن كەشكى 8-گە دەيىن جۇمىس ىستەيدى.