حالىقارالىق عالىمدار توبى كەلەسى ءجۇزجىلدىق ىشىندە جەر بەتىنەن 500-دەن استام قۇس ءتۇرى جويىلىپ كەتۋى مۇمكىن ەكەنىن انىقتادى، دەپ حابارلايدى aqshamnews.kz
ماماندار بۇل ەكولوگيالىق اپاتتىڭ الدىن الۋ ءۇشىن قۇس تۇرلەرىن ساقتاۋ بويىنشا شۇعىل شارالار قابىلداۋعا شاقىرادى.
بۇل زەرتتەۋ Nature Ecology & Evolution (NEE) عىلىمي جۋرنالىندا جاريالاندى. وندا تەك بىرنەشە قۇس ءتۇرىنىڭ جويىلۋىنىڭ ءوزى جەردىڭ كوپتەگەن ايماقتارىندا ەكولوگيالىق تەپە-تەڭدىكتىڭ بۇزىلۋىنا اكەلۋى مۇمكىن ەكەنى ايتىلعان.
عالىمداردىڭ بولجامىنشا، 2125 جىلعا قاراي پلانەتا سوڭعى بەس عاسىرداعىدان دا كوپ قۇس تۇرىنەن ايىرىلۋى ىقتيمال.
قۇستاردىڭ جويىلۋىنا الىپ كەلىپ وتىرعان نەگىزگى فاكتور – اۋىل شارۋاشىلىعى جەرلەرىنىڭ قارقىندى كەڭەيۋى مەن پايدالانىلۋى. بۇدان بولەك، كليماتتىڭ وزگەرۋى، ورمانداردىڭ جاپپاي كەسىلۋى، سونداي-اق تابيعي مەكەندەۋ ورتاسىنىڭ توزۋى دا ۇلكەن ءقاۋىپ ءتوندىرىپ وتىر.
ەڭ الاڭداتارلىق جايت – ەگەر ادام ارەكەتىمەن كەلتىرىلەتىن زالالدى دەرەۋ توقتاتقان كۇننىڭ وزىندە، شامامەن 250 قۇس ءتۇرى ءبارىبىر جويىلىپ كەتۋگە بەيىم، سەبەبى ولاردىڭ ساندىق پوپۋلياسياسى سىن كوتەرمەيتىن دەڭگەيگە دەيىن ازايعان.
عالىمدار جويىلىپ بارا جاتقان قۇستاردى ساقتاۋ ءۇشىن ولاردى ارنايى باعدارلامالار اياسىندا توردا كوبەيتىپ، كەيىننەن قالپىنا كەلتىرىلگەن تابيعي مەكەندەرگە قايتا قونىستاندىرۋدى (رەينترودۋكسيا) ۇسىنادى.