ەڭبەكمينى پرواكتيۆتى قىزمەتتەردى جەڭىلدەتەدى
ق ر ەڭبەك جانە حالىقتى الەۋمەتتىك قورعاۋ مينيسترلىگى پرواكتيۆتى فورماتتا، ياعني اۆتوماتتى تۇردە، ازاماتتىڭ قاتىسۋىنسىز كورسەتىلەتىن مەملەكەتتىك قىزمەتتەردى كورسەتۋ پروسەسىنە رەينجينيرينگ جۇرگىزەدى، دەپ حابارلادى Almaty-akshamy.kz. ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ تاراتقان حابارىنا سىلتەمە جاساپ.
«وتكەن جىلدىڭ قورىتىندىسى بويىنشا، پرواكتيۆتى فورماتتا مەملەكەتتىك قىزمەتتەردى كورسەتۋمەن تومەن قامتۋ اتاپ ءوتىلدى. بۇرىن SMS-ديالوگ كەزىندە كورسەتىلەتىن قىزمەتتى الۋشىلارعا ەكى SMS-حابارلاماعا جاۋاپ بەرۋ قاجەت بولاتىن، ءبىرىنشىسى قىزمەتتى الۋعا كەلىسىم بولعان. مەملەكەتتىك قىزمەتتەردى پرواكتيۆتى تۇردە العان ادامداردىڭ سانىن ارتتىرۋ ءۇشىن كورسەتىلەتىن قىزمەتتى الۋشىمەن ديالوگ كەزىندە SMS سانىن ەكىدەن بىرەۋگە دەيىن قىسقارتۋ تۋرالى شەشىم قابىلداندى. ءبىر SMS-حابارلاماداعى ساۋالعا جاۋاپ بەرۋ ارقىلى قىزمەت كورسەتۋ بانكىن تاڭداۋدى راستاۋ الىنادى، بۇل پرواكتيۆ ارقىلى مەملەكەتتىك قىزمەتتى كورسەتۋگە اۆتوماتتى كەلىسىم بولىپ تابىلادى»، – دەدى ق ر ەڭبەك جانە حالىقتى الەۋمەتتىك قورعاۋ ۆيسە-مينيسترى ەربول وسپانوۆ.
اعىمداعى جىلعى 1 ماۋسىمنان باستاپ جەڭىلدەتىلگەن فورماتتا «بالا تۋۋعا بايلانىستى جانە ءبىر جاسقا دەيىنگى بالا كۇتىمى بويىنشا جاردەماقىلار تاعايىنداۋ» قىزمەتى كورسەتىلەدى. ناتيجەسىندە پرواكتيۆتى تۇردە ءساتتى كورسەتىلگەن قىزمەتتەر سانى 10%-دان 37%-عا دەيىن ارتتى. جىل سوڭىنا دەيىن بۇل كورسەتكىشتى 50%-عا دەيىن جەتكىزۋ جوسپارلانىپ وتىر.
بۇدان باسقا، اۆتوماتتى تۇردە اقپارات الماسۋ ماقساتىندا ەكىنشى دەڭگەيدەگى بانكتەرمەن جانە «قازپوشتا» اق-مەن ينتەگراسيالىق ءوزارا ءىس-قيمىل ەسەبىنەن ونلاين رەجيمدە ازاماتتار ءۇشىن بار بانك شوتىن راستاۋ نەمەسە اشۋ بويىنشا پروسەستى وڭتايلاندىرۋ جۇرگىزىلۋدە.
سونداي-اق، جىل سوڭىنا دەيىن ءبىرقاتار پرواكتيۆتى قىزمەتتەردى وڭتايلاندىرۋ جوسپارلانۋدا:
– جۇمىسىنان ايىرىلعان جاعدايدا تولەنەتىن الەۋمەتتىك تولەمدى تاعايىنداۋ؛
– اسىراۋشىسىنان ايىرىلعان جاعدايدا تولەنەتىن الەۋمەتتىك تولەمدى تاعايىنداۋ؛
– اسىراۋشىسىنان ايىرىلۋ بويىنشا مەملەكەتتىك الەۋمەتتىك جاردەماقىنى تاعايىنداۋ؛
– ەڭبەك ەتۋ قابىلەتىنەن ايىرىلعان جاعدايدا بەرىلەتىن الەۋمەتتىك تولەمدى تاعايىنداۋ؛
– مۇگەدەكتىگى بويىنشا مەملەكەتتىك الەۋمەتتىك جاردەماقى تاعايىنداۋ؛
– «التىن القا»، «كۇمىس القا» القالارىمەن ماراپاتتالعان نەمەسە بۇرىن «باتىر انا» اتاعىن العان، «انا داڭقى» وردەندەرىمەن ماراپاتتالعان كوپ بالالى انالارعا مەملەكەتتىك جاردەماقى تاعايىنداۋ.