ەلوردالىق اۋەجاي اۆياوتىننىڭ جەتىسپەۋشىلىگىنە قاتىستى ەنەرگەتيكا مەن يندۋستريا جانە ينفراقۇرىلىمدىق دامۋ مينيسترلىكتەرىمەن بىرلەسىپ اۆياوتىن جەتكىزۋ جۇمىستارىن پىسىقتاۋدا. قازىرگى ۋاقىتتا كۇردەلى جاعدايدىڭ الدى الىندى، دەپ حابارلايدى almaty-akshamy.kz قازااپاراتقا سىلتەمە جاساپ.
«اۋەجاي تۇراقتى جولاۋشىلار جانە جۇك رەيستەرىن ۇزدىكسىز تولتىرۋ جۇمىستارىن اتقارۋدا. جوعارىدا اتالعان مەملەكەتتىك ورگاندارمەن بىرلەسىپ، بيىلعى 9 قاراشادا پاۆلودار مۇناي-حيميا زاۋىتى جۇمىسىن قايتا باستاعانشا زاۋىتتاردان اۆياوتىن جەتكىزۋ كەستەسى ازىرلەندى. قازىرگى ۋاقىتتا اۋەجايدا 3100 توننا اۆياكەروسين قالدى. جاقىن كۇندەرى 3900 توننا (3 مىڭ توننا – «قازمۇنايگاز-اەرو» ج ش س، 700 توننا – «پەتروسان» ج ش س، 200 توننا – East fuel) جەتكىزۋ كۇتىلۋدە»، - دەپ حابارلادى نۇرسۇلتان نازاربايەۆ اۋەجايىنىڭ باسپا ءسوز قىزمەتى.
اۋەجايدىڭ حابارلاۋىنشا، ءقازىر 3800 توننا اۆياكەروسين جەتكىزۋ ءۇشىن كەلىسىمشارتقا قول قويىلدى جانە تولەندى. ەلوردا ۋاقىتىمەن ساعات 15: 00-دە نۇرسۇلتان نازاربايەۆ اۋەجايىنىڭ ساقتاۋ بازاسىندا 921 توننا وتىن بار، بۇگىن 200 توننادان استام اكەلىنگەن.