"قازگيدرومەت" سينوپتيكتەرى 29، 30 قاراشا جانە 1 جەلتوقسانعا ارنالعان اۋا رايى بولجامىن ۇسىندى، - دەپ حابارلايدى aqshamnews.kz ءتىلشىسى.
قازاقستاندا اۋا رايى قۇبىلمالى بولادى
قازاقستاننىڭ باسىم بولىگىندە اتموسفەرالىق فرونتتاردىڭ وتۋىنە بايلانىستى اۋا رايى قۇبىلمالى بولادى. جاڭبىر جانە قار جاۋادى. رەسپۋبليكانىڭ سولتۇستىگىندە، شىعىسىندا، ورتالىعىندا بۇرقاسىن سوعىپ، كوكتايعاق بايقالادى.
"تەك رەسپۋبليكانىڭ باتىسىندا جانە وڭتۇستىك-شىعىسىندا انتيسيكلون جوتاسىنىڭ ىقپالىندا جاۋىن-شاشىنسىز اۋا رايى كۇتىلەدى"، – دەپ حابارلادى سينوپتيكتەر.
تەمپەراتۋرا قانداي بولادى؟
اۋا تەمپەراتۋراسى بويىنشا: سولتۇستىك وڭىرلەردە ازداپ جىلىنىپ، تۇندە 0…-8 گرادۋس اياز، كۇندىز 0…+5 گرادۋس جىلى بولادى دەپ بولجاندى. وڭتۇستىك-شىعىستا كۇندىزگى تەمپەراتۋرا بىرتىندەپ +3…+11 گرادۋسقا دەيىن تومەندەيدى، تاۋلى اۋدانداردا 0…-5 گرادۋس اياز كۇتىلەدى.