بيىلعى 1 شىلدەدەگى مالىمەتكە سايكەس، ەلىمىزدە كوپبالالى انالارعا بەرىلەتىن "التىن القا" جانە "كۇمىس القا" ماراپاتتارىنىڭ يەگەرلەرى، سونداي-اق، بۇرىنعى "باتىر انا" جانە "انا داڭقى" وردەندەرىنىڭ يەگەرلەرىنە تاعايىندالاتىن جاردەماقىنى 242 495 ايەل الىپ وتىر. اqshamnews.kz ءتىلشىسى ءار وڭىردە قانشا كوپبالالى انا بارىن انىقتادى.
كەيىنگى بەس جىلدا رەسپۋبليكا بويىنشا كوپبالالى انا سانى ارتقان.
- 2021 جىلى 229 451 انا؛
- 2022 جىلى 229 193 انا؛
- 2023 جىلى 233 759 انا؛
- 2024 جىلى 238 532 انا؛
- 2025 جىلى 242 495 انا جاردەماقى العان.
ايماق بويىنشا ءبولىنىسى قانداي؟
ەڭبەك جانە حالىقتى الەۋمەتتىك قورعاۋ مينيسترلىگىنىڭ دەرەگىنشە، 2025 جىلعى 1 شىلدەگە دەيىن "التىن القا"، "كۇمىس القا" القالارىمەن ناگرادتالعان نەمەسە بۇرىن "باتىر انا" اتاعىن العان، I جانە II دارەجەلى "انا داڭقى" وردەندەرىمەن ماراپاتتالعان كوپبالالى انالارعا تابىسىنا قاراماستان اي سايىنعى مەملەكەتتىك جاردەماقى تولەنەدى.
جاردەماقى مولشەرى قانداي؟
2025 جىلعى 1 قاڭتاردان باستاپ بۇل جاردەماقىنىڭ مولشەرى "كۇمىس القا" يەگەرلەرى ءۇشىن 25 165 تەڭگە (6،4 اەك)، ال "التىن القا"، "باتىر انا" جانە "انا داڭقى" وردەندەرىنىڭ يەگەرلەرى ءۇشىن 29 097 تەڭگە (7،4 اەك) بولىپ بەلگىلەندى.
كەيىنگى جىلدارى رەسپۋبليكا بويىنشا جاردەماقىمەن قامتىلعان ناگرادتالعان انالاردىڭ سانى تۇراقتى تۇردە ارتىپ كەلەدى. مينيسترلىكتىڭ مالىمەتىنشە، كەيىنگى بەس جىلدا بۇل كورسەتكىش ءوسۋ ديناميكاسىن ساقتاپ وتىر.
الەۋمەتتىك قولداۋ شارالارى
بۇگىندە ناگرادتالعان انالارعا سالىق كودەكسىنە سايكەس ءبىرقاتار جەڭىلدىكقاراستىرىلعان. ولاردىڭ قاتارىندا كولىك قۇرالدارىنا، تۇرعىن ءۇي جانىنداعى جەر ۋچاسكەلەرىنە، جەكە تۇلعالاردىڭ مۇلكىنە سالىناتىن سالىقتان بوساتۋ بار. سونداي-اق نوتارياتتىق قىزمەتتەر، ءتولقۇجات پەن جەكە كۋالىك راسىمدەۋ كەزىندە مەملەكەتتىك باج تولەۋدەن بوساتىلادى.
ماراپاتتاۋ ەرەجەلەرى
2010 جىلدان باستاپ ماراپاتتاۋ شارتتارى جەڭىلدەتىلدى: "التىن القا" جەتى جانە ودان دا كوپ بالاسى بار انالارعا (بۇرىن 10 جانە ودان دا كوپ)، ال "كۇمىس القا" التى بالانىڭ انالارىنا (بۇرىن 8 بالا) بەرىلەدى.
"كۇمىس القا" القاسىمەن التى بالا تۋعان جانە تاربيەلەگەن انالار ماراپاتتالادى. "التىن القا" جەتى جانە ودان دا كوپ بالا تۋعان جانە تاربيەلەگەن، قازاقستان ازاماتتىعى بار انالارعا، جەتىنشى بالا ءبىر جاسقا تولعاننان كەيىن جانە باسقا بالالارى ءتىرى بولعان جاعدايدا تابىستالادى.
قۇجات تاپسىرۋ ءتارتىبى
كوپبالالى انالاردى مەملەكەتتىك ناگرادالارعا ۇسىنۋ تۋرالى ءوتىنىشتى جەرگىلىكتى اتقارۋشى ورگاندار پرەزيدەنت جانىنداعى مەملەكەتتىك ناگرادالار جونىندەگى كوميسسياعا جولدايدى. ول ءۇشىن انالار تۇرعىلىقتى جەرى بويىنشا اۋدان اكىمدىگىنە قاجەت قۇجاتتاردى تاپسىرۋى كەرەك.