تەننيس تاريحىندا ەڭ ءىرى كولەمدە تابىس تاپقان قازاقستاندىق تەننيسشى ەلەنا رىباكينانىڭ جەتىستىگى گيننەستىڭ رەكوردتار كىتابىنا رەسمي تىركەلدى، - دەپ حابارلايدى Aqshamnews.kz.
قازاقستاندىق تەننيسشى ەر-ريادتاعى (ساۋد ارابياسى) بيىلعى WTA قورىتىندى تۋرنيرىندە 5،235 ملن اقش دوللارىن تاپقان بولاتىن.
وسىعان دەيىن مۇنداي تابىسقا ەشكىم جەتكەن ەمەس. بۇرىنعى رەكوردتار بەلورۋسسيالىق ارينا سوبولەنكو مەن يسپانيالىق كارلوس الكاراسقا تيەسىلى ەدى. ولار بيىلعى اقش اشىق چەمپيوناتىندا 5 ملن اقش دوللارىنان تاپقان-دى.
رىباكينانىڭ ساۋد ارابياسىنداعى جىلدىڭ قورىتىندى جارىسىندا بارلىق بەس قارسىلاسىن جەڭگەنى بەلگىلى. سوڭعى فينالدىق باسەكەدە الەمنىڭ 1-راكەتكاسى ارينا سوبولەنكونى 6:3، 7:6 (7:0) ەسەبىمەن ۇتقان بولاتىن.
وسىلايشا، ەلەنا رىباكينا گيننەستىڭ رەكوردتار كىتابىنا ەكىنشى رەت ەنىپ وتىر. ول وتكەن جىلى اۋستراليا اشىق چەمپيوناتىندا رەسەيلىك اننا بلينكوۆامەن ەڭ ۇزاققا سوزىلعان تاي-برەيككە قاتىسقان ەدى.