ەلدەگى زووباقتاردىڭ جالپى سانى ازايىپ بارادى

قازاقستان زووباقتارىنداعى جانۋارلار، قۇستار مەن بالىقتار سانى ءبىر جىلدا 29%-عا ازايدى.

بىلتىر ەلىمىزدە 13 زووباق بولدى. ولار ەلىمىزدىڭ 8 وڭىرىندە عانا بولعان. زووباقتاردىڭ 8ء-ى شاعىن، 3ء-ى ورتا، 2ء-ى ءىرى كاسىپكەرلىك سۋبەكتىلەرىنە تيەسىلى بولدى، دەپ حابارلايدى Almaty-akshamy.kz Elorda.info سايتىنا سىلتەمە جاساپ. 

ەلدە حايۋاناتتار باعىنىڭ جالپى سانى ازايىپ بارادى. ماسەلەن، 2018 جىلى ولاردىڭ سانى — 20، 2019 جىلى — 18، 2020 جىلى — 16 بولدى.

ەلىمىزدەگى  زووباقتاردىڭ جالپى اۋدانى 2021 جىلى 100،5 گەكتارعا جەتتى، ونىڭ ىشىندە 63،4 مىڭ شارشى مەتر - اڭداردىڭ، قۇستارتاردىڭ جانە بالىقتاردىڭ پاناسى.

وندا  ۇستالاتىن جانۋارلاردىڭ سانى 2022 جىلى 29% ازايىپ، 12 مىڭ بولدى. ولاردىڭ ەڭ كوپ بولىگى وڭتۇستىك استانادا: 3،8 مىڭ، ءبىر جىلدا 55،3% -عا ازايعان.

استانا ەكىنشى ورىندا (اقمولا وبلىسىن قوسا ساناعاندا): ەلوردا مەن اقمولا وبلىسىنىڭ زووباقتارىنداعى اڭ، قۇستاردىڭ جانە بالىقتىڭ سانى 3،2 مىڭ — ءبىر جىل بۇرىنعىدان 6،7% -عا از.

جانۋارلار سانى بويىنشا العاشقى ۇشتىكتى شىمكەنت جاپتى: وڭتۇستىك مەگاپوليستىڭ زووباقتارىندا 2،6 مىڭ داناسى بار — ءبىر جىل بۇرىنعىدان 0،7% -عا كوپ.

قازاقستانداعى زووباقتاعى جانۋارلار ىشىندە ەڭ كوبى بالىق: 2021 جىلى 7،1 مىڭ دانا. سونداي-اق زووباقتاردا 1،9 مىڭ سۇتقورەكتى، 1،9 مىڭ قۇس، 744 ومىرتقاسىز، 341 باۋىرىمەن جورعالاۋشى جانە 54 قوسمەكەندى بولعان.