بيىل قازاقستان ەۋرازيالىق ەكونوميكالىق وداقتا تاسىمالداۋدى قاداعالاۋ ءۇشىن ناۆيگاسيالىق پلومبا قولدانۋ تۋرالى كەلىسىمگە قول قويۋعا نيەتتى، دەپ حابارلايدى almaty-akshamy.kz مەملەكەتتىك كىرىستەر كوميتەتىنە سىلتەمە جاساپ.
كەلىسىمگە قاتىستى جۇمىستى 2017 جىلدان باستاپ ەاەو ەلدەرى ساراپشىلارى جانە ەۋرازيالىق ەكونوميكالىق كوميسسيا قىزمەتكەرلەرى جۇرگىزگەن.
«جۇمىس كۇردەلى بولدى، بارلىق مۇددەلى مەملەكەتتىك ورگاندار مەن تاراپتاردىڭ بيزنەس قوعامداستىعى قاتىستى، كوپتەگەن پىكىر مەن ۇستانىم بولدى. مەملەكەتىشىلىك كەلىسۋدىڭ ەكى كەزەڭى وتكىزىلدى. بۇگىنگى تاڭدا بارلىق كەلىسپەۋشىلىكتەر جويىلدى»، - دەدى كوميتەت وكىلى.
جالپى كەلىسىم ناۆيگاسيا پلومباسىن قولدانا وتىرىپ، تاۋاردى ەاەو-عا مۇشە ەكى جانە ودان دا كوپ مەملەكەتتىڭ اۋماعى بويىنشا وتكىزۋ كەزىندە ولاردى قاداعالاۋ مۇمكىندىگىن كوزدەيدى. ءاربىر ەل ناۆيگاسيا پلومباسىن قولدانۋ جونىندەگى جۇمىستى ۇيىمداستىرۋدى جۇرگىزەتىن ۇلتتىق وپەراتورى بولادى. بۇل رەتتە كولىكتىڭ ەرەكشەلىگىن ەسكەرە وتىرىپ، تاۋارلاردىڭ ساناتىنا بايلانىستى وتپەلى كەزەڭدەر كوزدەلگەن. بۇل تاسىمالداۋدىڭ ءاربىر كەزەڭىن قاداعالاي وتىرىپ، ناۆيگاسيا پلومباسىن قولدانۋ پروسەسىنىڭ تيىمدىلىگىن جەتىلدىرۋگە مۇمكىندىك بەرەدى.
«بيزنەس ءۇشىن وسى كەلىسىمنىڭ ارتىقشىلىقتارى ەاەو كەڭىستىگىندە ءوز تاۋارلارىنىڭ ءقاۋىپسىز ءترانزيتى مۇمكىندىگىندە، ەاەو باقىلاۋشى ورگاندارى تاراپىنان باقىلاۋدىڭ قوسىمشا نىساندارى مەن شارالارىن الىپ تاستاۋدا بولىپ وتىر. ياعني، ەگەر پلومبا سالىنعان بولسا، وندا ەاەو-نىڭ ءاربىر مەملەكەتىندە تاۋاردى، ال كەيبىرەۋىندە ءبىر باعىت ءۇشىن بىرنەشە رەتتەن تەكسەرۋدىڭ قاجەتى جوق. مۇنداي جاعداي شىعىندى ايتارلىقتاي ازايتادى»، - دەپ اتاپ ءوتتى مەملەكەتتىك كىرىستەر كوميتەتىندە.
مەملەكەت وسى كەلىسىمنەن حالىقارالىق تاسىمالداردىڭ اشىقتىعىنا، «جالعان ترانزيت» پەن «جالعان يمپورتتى» جويۋعا جانە تيىسىنشە قازىناعا تۇسەتىن كىرىستىڭ ۇلعايۋىنا قول جەتكىزبەك. قازىرگى ۋاقىتتا قۇجاتتىڭ جوباسى قوعامدىق تالقىلاۋ ءۇشىن legalacts.egov.kz سايتىنا ورنالاستىرىلعان.