الماتى اكىمىنىڭ ورىنباسارى ءا.ءنۇسىپوۆا الماتى قالاسى بيۋدجەتىن تالقىلاۋ بارىسىندا دارىلىك زاتتاردى بولۋگە 39 178،72 تەڭگە سوماسىندا ءوتىنىمدى قولداۋدى سۇرادى، دەپ حابارلايدى Almaty-aksamy.kz.
بۇل جايىندا قالا اكىمى ەربولات دوسايەۆتىڭ قاتىسۋمەن وتكەن مءاسليحات سەسسياسىندا الماتى قالاسىنىڭ 2023-2025 جىلدارعا ارنالعان بيۋدجەت جوباسىن قاراۋ بارىسىندا ايتىلدى، دەپ حابارلايدى Almaty-akshamy.kz.
الماتى قالاسى قوعامدىق دەنساۋلىق ساقتاۋ باسقارماسىنىڭ مالىمەتى بويىنشا، «حالىق دەنساۋلىعى جانە دەنساۋلىق ساقتاۋ جۇيەسى تۋرالى» كودەكستىڭ 12-بابى 1-تارماعىنىڭ 5) تارماقشاسىنا سايكەس، جەرگىلىكتى وكىلدى ورگاندار قازاقستان رەسپۋبليكاسى ازاماتتارىنىڭ جەكەلەگەن ساناتتارىنا امبۋلاتوريالىق ەمدەۋ كەزىندە تەگىن جانە (نەمەسە) جەڭىلدىكتى شارتتارمەن تەگىن مەديسينالىق كومەكتىڭ كەپىلدىك بەرىلگەن كولەمىن، ونىڭ ىشىندە دارىلىك زاتتاردى، ارنايى ەمدىك ونىمدەردى، مەديسينالىق بۇيىمداردى قوسىمشا بەرۋ تۋرالى شەشىم قابىلدايدى.
وسىعان بايلانىستى تەگىن امبۋلاتوريالىق ەمدەۋ كەزىندە الماتى قالاسىندا تىركەلگەن قازاقستان رەسپۋبليكاسى ازاماتتارىنىڭ جەكەلەگەن ساناتتارىنا ازاماتتاردى تەگىن مەديسينالىق كومەكتىڭ، ونىڭ ىشىندە دارىلىك زاتتاردىڭ، مامانداندىرىلعان ەمدەۋ ونىمدەرىنىڭ، مەديسينالىق بۇيىمداردىڭ قوسىمشا كەپىلدەندىرىلگەن كولەمىمەن قامتاماسىز ەتۋ ماقساتىندا الماتى قالاسى ءماسليحاتى شەشىمىنىڭ جوباسى ازىرلەندى.
جوعارىدا ايتىلعانداردى ەسكەرە وتىرىپ، مۇقتاج پاسيەنتتەردى مىناداي دارىلىك زاتتارمەن قامتاماسىز ەتۋ قاجەت:
- «يممۋنوگلوبۋلين، 10%-تىك كوكتامىر ىشىنە ەگۋگە ارنالعان ەرىتىندى، 50 مل»، نوزولوگيالىق توپتاعى ۆيسكوت-ولدريچ سيندرومى بار بالالار ءۇشىن؛
- «وماليزۋماب 150 مگ»، برونح دەمىكپەسى، اللەرگيالىق كومپونەنتى باسىم، اۋىر جاعدايداعى 4 پاسيەنت ءۇشىن؛
- «سەلۋمەنتينيب كاپسۋلاسى 10 مگ»، نەيروفيبروماتوز نوزولوگياسى بار 2 پاسيەنت ءۇشىن.
سونداي-اق «وماليزۋماب» دارىلىك زاتى دەنساۋلىق ساقتاۋ مينيسترلىگىنىڭ 2014 جىلعى 5 مامىرداعى № 6 «ەرەسەكتەردەگى برونح دەمىكپەسىن» كلينيكالىق ەمدەۋ مەن دياگنوستيكالاۋ حاتتاماسىنا كىرەدى.
سونىمەن قاتار نەيروفيبروماتوز نوزولوگياسى بويىنشا «سەلۋمەنتينيب» دارىلىك زاتى دەنساۋلىق ساقتاۋ ءمينيسترىنىڭ 2020 جىلعى 20 قازانداعى № ق ر دسم-142/2020 بۇيرىعىمەن بەكىتىلگەن ورفاندىق اۋرۋلار مەن ولاردى ەمدەۋگە ارنالعان دارىلىك زاتتاردىڭ (ورفاندىق) تىزبەسىنە كىرەدى.
ۆيسكوتت-ولدريچ سيندرومى (WAS) - ميكروترومبوسيتوپەنيا، ەكزەما، ينفەكسيالار جانە اۋتويممۋندى كورىنىستەر مەن قاتەرلى ىسىكتەردىڭ دامۋ ءقاۋپىنىڭ جوعارىلاۋىمەن سيپاتتالاتىن باستاپقى يممۋنيتەت تاپشىلىعى. WAS-پەن اۋىرۋ دەڭگەيى 100 000 ءتىرى تۋىلعان نارەستەگە شاققاندا 1 جاعدايدان از دەپ باعالانادى.
الماتى قالاسى ءماسليحاتىنىڭ شەشىمى بەكىتىلگەننەن كەيىن باسقارما جوعارىدا اتالعان دارىلىك زاتتاردى 2023 جىلعا ساتىپ الۋدى جوسپارلاپ وتىر.