الماتى اكىمى دارحان ساتىبالدى كولىك ينفراقۇرىلىمىن دامىتۋعا باعىتتالعان جوبالارمەن تانىسىپ، جىبەك جولى مەن رايىمبەك باتىر داڭعىلى بويىنداعى BRT (جوعارى جىلدامدىقتى اۆتوبۋس جۇيەسى) جەلىلەرىنىڭ قۇرىلىس بارىسىن تەكسەردى.
جەلتوقسان كوشەسىندە ۇزىندىعى 4،6 شاقىرىم بولاتىن BRT جولاعى جولدىڭ شەت جاعىندا بولادى. بۇل ۋچاسكە قازىرگى تيميريازيەۆ كوشەسىندەگى BRT جەلىسىمەن جانە رايىمبەك باتىر داڭعىلىندا سالىنىپ جاتقان جەلىمەن قوسىلادى.
قازىرگى ۋاقىتتا كوشەدە جيەكتاستار تۇزەتىلىپ، بۇلىنگەن ارىق ناۋالارى اۋىستىرىلدى، جاياۋ جۇرگىنشىلەر جولىنىڭ 60 پايىزىنا تاقتا تاستار توسەلدى. اۋماق بويىنداعى اسفالتبەتون جامىلعىسى تۇگەلدەي دەرلىك جاڭارتىلدى.
دارحان ساتىبالدى قالالىق موبيلدىلىك باسقارماسىنىڭ باسشىسى ساعىندىق تەلىبايەۆقا بارلىق جول قۇرىلىسى جۇمىسىن، ونىڭ ىشىندە جول بەلگىلەرىن سىزىپ، تامىز ايىنىڭ سوڭىنا دەيىن اياقتاۋدى، كوگالداندىرۋ كولەمىن ۇلعايتۋدى جانە تروتۋار بويىندا قوسىمشا جارىق كوزدەرىن ورناتۋدى تاپسىردى.
كەيىن شاھار باسشىسى رايىمبەك باتىر داڭعىلى بويىنداعى BRT جەلىسىنىڭ قۇرىلىس بارىسىن كورىپ قايتتى. جوبا اياسىندا ۇزدىكسىز ارنايى جولاقتار، جاڭا ايالداما كەشەندەرى ورناتىلىپ، داڭعىل بويى «قاسبەتتەن قاسبەتكە دەيىن» قاعيداتى بويىنشا كورىكتەندىرىلەدى.
الماتى اكىمى BRT جەلىسىن كەڭەيتۋ قالانىڭ كولىك جۇيەسىن دامىتۋعا ارنالعان شەبەر جوسپاردى جۇزەگە اسىرۋداعى نەگىزگى باعىتتاردىڭ ءبىرى ەكەنىن اتاپ ءوتتى.
سالاعا جاۋاپتى باسقارمامەن مەردىگەر ۇيىمدارعا قۇرىلىس جۇمىستارىن ساپالى ءارى قارقىندى جۇرگىزۋ جۇكتەلدى. جوبانى جۇزەگە اسىرۋ كەزىندە جاياۋ جۇرگىنشىلەردىڭ جايلىلىعى مەن قاۋىپسىزدىگىنە ەرەكشە نازار اۋدارۋ، جۇمىستاردىڭ بارىسى مەن كولىك قوزعالىسىنداعى وزگەرىستەر تۋرالى حالىقتى دەر كەزىندە حاباردار ەتۋ مىندەتتەلدى.
ايتا كەتۋ كەرەك، رايىمبەك باتىر داڭعىلى بويىنداعى BRT جوباسى كولىك مودەلدەۋ ناتيجەلەرى بويىنشا ازىرلەنىپ، قازىرگى جانە بولاشاقتاعى كولىك لەگى ازىرلەنگەن. جوبا جۇزەگە اسقاننان كەيىن قوعامدىق كولىكتىڭ ورتاشا قوزعالىس جىلدامدىعى 50%-دان 70%-عا دەيىن ارتپاق.