قازاقستاندا سوڭعى ەكى اپتادا كوۆيدپەن سىرقاتتانۋ كورسەتكىشى 11%-عا تومەندەدى.
جالپى، سوڭعى ەكى ايداعى كورسەتكىش بويىنشا، ەلىمىزدە ىندەتكە شالدىعۋ 4،5 ەسەگە، ال ءولىم-جىتىم 4،8 ەسەگە ازايدى، دەپ حابارلايدى اlmaty-akshamy.kz ءتىلشىسى.
ق ر دسم مالىمەتى بويىنشا، قاراشا ايىندا وپتيميستىك سەناريي بويىنشا ايىنا 1500 جاعداي بولۋى مۇمكىن. رەاليستىك سەناريي بويىنشا – 1650، پەسسيميستىك سەناريي بويىنشا – 1800 كورسەتكىش بولادى دەپ بولجانىپ وتىر. ال كوۆيدتىك جاعدايداعى الەمنىڭ ەپيداحۋالى قانداي؟ شولۋ جاساپ كورەيىك.
ءازىربايجاندا ساتىپ الىنعان ۆاكسينالاۋ پاسپورتتارى ءۇشىن قىلمىستىق جاۋاپكەرشىلىككە تارتىلىپ، ءتىپتى تەمىر تورعا ءتۇسۋى مۇمكىن. جالعان كوۆيد سەرتيفيكاتىن العان تۇرعىندار جازادان جالتارا المايدى، دەپ مالىمدەدى رەسپۋبليكا ءىىم باسپا ءسوز قىزمەتىنىڭ باسشىسى ەلشاد گادجييەۆ.
«ءازىربايجان زاڭناماسىنا سايكەس، جالعان COVID-پاسپورتىن ساتىپ الۋدىڭ قىلمىستىق قۇرامى بار ەكەنىن حابارلايمىز»، — دەدى گادجييەۆ.
ەگەر ۆاكسينالاۋ تۋرالى زاڭسىز قۇجاتى بار ازامات باسقا ادامعا ۆيرۋس جۇقتىرسا جانە ول ادام قايتىس بولسا، 3 جىلدان 5 جىلعا دەيىن باس بوستاندىعىنان ايىرۋعا دەيىن جازا قاراستىرىلعان.
گونكونگ پاندەمياعا بايلانىستى ەلگە كىرۋ شەكتەۋلەرىن كۇشەيتۋدە – 21 كۇندىك وقشاۋلاۋ بەلگىلەندى. بۇل تۋرالى اۆتونوميا اكىمشىلىگىنىڭ باسشىسى كەرري لام مالىمدەدى. كارانتيندىك ەرەكشەلىكتەر تەك شۇعىل قىزمەت جۇمىسكەرلەرى مەن ازىق-تۇلىك تاسىمالدايتىن جۇك كولىكتەرى ءۇشىن قاراستىرىلاتىن بولادى. كەرري لام كارانتيندىك شارالاردى كۇشەيتۋ ماتەريكتىك قىتايمەن شەكارانى تەزىرەك اشۋعا دەگەن ۇمتىلىسپەن بايلانىستى ەكەنىن اتاپ ءوتتى. سونداي-اق، قوناق ۇيلەردە توپ-مەنەدجەرلەر، ءىرى كورپوراسيالاردىڭ باسشىلارى، عالىمدار، سونداي-اق كەمەلەر مەن ۇشاقتار ەكيپاجدارىنىڭ مۇشەلەرى مىندەتتى 21 كۇندىك كارانتيننەن وتپەيدى.
يتاليا بيلىگى كوروناۆيرۋستىق ينفەكسيا ءقاۋپى بار ەلدەرمەن سىرتقى شەكارانى جاۋىپ جاتىر. بۇگىننەن باستاپ البانيادان كەلگەن ازاماتتار ءۇشىن ەلگە كىرۋ 15 جەلتوقسانعا دەيىن توقتاتىلادى. بۇل بالقان ەلىندەگى ەپيدەميولوگيالىق جاعدايدىڭ ناشارلاۋىنا بايلانىستى. يتالياعا البانيادان كىرۋ تەك ۇيگە ورالعان يتالياندىقتار ءۇشىن، سونداي-اق جۇمىسقا، وقۋعا، ەمدەلۋگە جانە شۇعىل سەبەپتەرمەن باراتىندار ءۇشىن مۇمكىن بولادى. البانيادا كوروناۆيرۋستىق ينفەكسيانىڭ جاڭا جاعدايلارىنىڭ سانى كورشى ەلدەرگە قاراعاندا ەداۋىر كوپ. ءبىر تاۋلىك ىشىندە 264 covid-19 تاسىمالداۋشىسى انىقتالدى.
ارمەنيادا ەپيدەميولوگيالىق جاعدايدىڭ شيەلەنىسۋىنە بايلانىستى بۇگىننەن باستاپ جاڭا كارانتيندىك شارالار ەنگىزىلۋدە. مەكتەپتەردەگى دەمالىس ۇزارادى، جوو مەن ووو قاشىقتىقتان وقىتۋ رەجيمىنە كوشەدى. بۇل شەشىم دەنساۋلىق ساقتاۋ مينيسترلىگىنىڭ ۇسىنىسى بويىنشا قابىلداندى. شەكتەۋلەردىڭ قولدانىلۋ مەرزىمى 15 قاراشاعا دەيىن سوزىلادى. ەلدىڭ دەنساۋلىق ساقتاۋ مينيسترلىگى وقۋ ورىندارىنىڭ باسشىلارىن وسى ۋاقىتقا دەيىن قىزمەتكەرلەردى جۇمىسقا شاقىرماۋدى ۇسىندى. وتكەن 24 ساعات ىشىندە COVID-19 جۇقتىرۋدىڭ 1184 جاڭا جاعدايى تىركەلدى، ناتيجەسىندە ولاردىڭ جالپى سانى 296 552 ادامعا جەتتى.
بىرىككەن اراب امىرلىكتەرى مەن باحرەين كورولدىگىندە ۆاكسيناسيادان ءوتىپ، ءولى تەڭىزگە ساياحاتقا بارۋعا بولادى. يزرايل پارسى شىعاناعىنداعى ەكى ەلدىڭ ۆاكسيناسيا سەرتيفيكاتتارىن مويىندادى. دەنساۋلىق ساقتاۋ ءمينيسترى نيسان حوروۆيس يزرايل، ءباا جانە باحرەين اراسىندا «جاسىل ءدالىز» تۋرالى كەلىسىمگە قول قويدى. امىرلىكتەردە حالىقتىڭ 86،9%-ى، باحرەيندە 66%-ى تولىق ۆاكسينالاۋدان ءوتتى. بۇل ەلدەردە ددۇ سەرتيفيكاتتاعان كوروناۆيرۋستىق پرەپاراتتار عانا ەمەس، سونىمەن بىرگە رەسەيلىك «سپۋتنيك V» ۆاكسيناسى دا قولدانىلادى.
وزبەكستان ۇكىمەتى رەسەيگە ۆاكسينالاۋ سەرتيفيكاتتارىن ءوزارا تانۋدى ۇسىنۋعا دايىندالىپ جاتىر. بيلىك ءوز ۇسىنىسىن قاراشا ايىنىڭ ورتاسىنا دەيىن جاريالاۋعا دايىن. سونىمەن قاتار بۇل قۇجات رەسەي فەدەراسياسىمەن دە، تمد جانە الىس شەتەلدەرمەن دە ۆاكسيناسيا سەرتيفيكاتتارىن تانۋدى قامتيدى. «بۇدان ءارى بۇل ەلدەردىڭ، اتاپ ايتقاندا، رەسەي فەدەراسياسىنىڭ سەرتيفيكاتتاردى تانۋ تۋرالى وسى ۇسىنىسقا قالاي جاۋاپ بەرەتىنىنە بايلانىستى»، — دەپ اتاپ ءوتتى سانيتارلىق-ەپيدەميولوگيالىق سالاۋاتتىلىق جانە قوعامدىق دەنساۋلىق قىزمەتىنىڭ باسشىسى باحودىر يۋسۋپالييەۆ.