دۇنيە جۇزىندە ۆيرۋس تارالا باستاعاننان بەرى ينفەكسيا جۇقتىرعان 5 021 452 ادام قايتىس بولدى.
امەريكاندىق دجونس حوپكينس ۋنيۆەرسيتەتىنىڭ مالىمەتتەرى بويىنشا بەيسەنبى كۇنى تاڭەرتەڭ الەمدە COVID-19 كوروناۆيرۋسىن جۇقتىرۋ سانى 248 080 479-عا جەتكەن، دەپ حابارلايدى Almaty-akshamy.kz INTERFAX.RU اگەنتتىگىنە سىلتەمە جاساپ.
COVID-19 ينفەكسياسىن جۇقتىرۋ كورسەتكىشى 20 ميلليوننان اسقان ەلدەرگە اقش، ءۇندىستان جانە برازيليا كىرەدى.
ۆيرۋس جۇقتىرعان جانە قايتىس بولعان ادامدار سانى بويىنشا اقش العاشقى ورىندا تۇر، وندا COVID-19 جۇقتىرعان 46 252 513 ادام انىقتالعان. قايتىس بولعاندار سانى 750 423 بولدى.
ۆيرۋس جۇقتىرعاندار سانى بويىنشا ەكىنشى ورىندا ءۇندىستان تۇر، وندا COVID-19-دىڭ راستالعان جاعدايى 34 308 140-قا جەتكەن، سول ۆيرۋستىڭ كەسىرىنەن قايتىس بولعاندار سانى 459 191 ادام.
الەمدە كوروناۆيرۋستىڭ تارالۋى بويىنشا ءۇشىنشى ورىندا برازيليا تۇر، وندا پاندەميا كەزىندە ۆيرۋس جۇقتىرعان 21 ميلليون 835 785 ادام تىركەلىپ، ونىڭ 608 235ء-ى قايتىس بولدى.
الەمدەگى ەڭ ماڭىزدى وقيعالاردىڭ ستاتيستيكاسىن جاساۋعا ماماندانعان Worldometers پورتالىنىڭ مالىمەتىنشە، بۇگىن تاڭەرتەڭگى جاعداي بويىنشا الەم حالقىنىڭ 1 ميلليونىنا شاققانداعى ءولىم كورسەتكىشى 646،2 بولعان. اقش-تا 1 ميلليون تۇرعىنعا شاققاندا 2311 ادام، ءۇندىستاندا - 329، برازيليادا - 2835 ادام قايتىس بولعان.