تەرىس نەمەسە بەيتاراپ مارتەبەسى بار الماتىلىقتار حالىققا قىزمەت كورسەتۋ ورتالىقتارىنان مەملەكەتتىك قىزمەتتەردى كەزەكسىز الا الادى.
ق ر باس مەملەكەتتىك سانيتارلىق دارىگەرىنىڭ قاۋلىسىنا سايكەس، 14 ماۋسىمنان باستاپ حقو-لار Ashyq سەرۆيسى ارقىلى كليەنتتەردى قابىلداۋعا كوشەدى دەپ حابارلايدى Almaty-akshamy.kz.
«Ashyq قوسىمشاسى بويىنشا قالاداعى بارلىق حقو-عا كىرۋگە قولجەتىمدى بولادى. قالانىڭ ءاربىر فرونت-وفيسىنە سكانەرلەۋ ءۇشىن ارنايى دەربەس QR-كود بەرىلدى. QR كودتارى عيماراتقا كىرە بەرىستە ىلىنەدى»، - دەيدى «ازاماتتارعا ارنالعان ۇكىمەت» مەملەكەتتىك كورپوراسياسى» كە اق الماتى قالاسى فيليالىنىڭ PR-مەنەدجەرى جاڭىل اپەتوۆا.
بۇل رەتتە كەزەككە الدىن الا برونداۋ مۇمكىندىگى بۇرىنعىشا قالادى. ونىڭ ارتىقشىلىعى – ءسىز بەلگىلەنگەن ۋاقىتتا وپەراتوردىڭ قابىلداۋىنا بىردەن وتە الاسىز.
«ەگەر قىزمەتتى الۋشىدا Ashyq قوسىمشاسى بولماسا، جاقىندا عانا Ashyq فۋنكسيونالى ەنگىزىلگەن eGov mobile، Kaspi.kz جانە Halyk Homebank قوسىمشالارىن پايدالانا الادى»، - دەپ قوستى ول.
وسى قوسىمشالار بولماسا دا، مارتەبەڭىزدى حقو قىزمەتكەرلەرى جسن بويىنشا انىقتايتىن بولادى.