بلوگەر ەربولات ءجانابىلوۆتىڭ جارى ەلميرا تولەگەنوۆاعا قاتىستى اكىمشىلىك ءىستى قىلمىستىق ىسكە قايتا سارالاۋ ۇسىنىلدى، دەپ حابارلايدى اqshamnews.kz.
بۇل تۋرالى ۇسىنىستى سپورت مينيسترلىگىنە قاراستى قۇمار ويىندار مەن لوتەرەيانى رەتتەۋ كوميتەتىنىڭ وكىلى ءابدال بالتاتەگى سوت وتىرىسىندا ءبىلدىردى. ونىڭ ايتۋىنشا، ءىس قارالۋ بارىسىندا اكىمشىلىك ءوندىرىس اياسىندا جاۋاپ بەرۋ مۇمكىن ەمەس ءبىرقاتار سۇراقتار تۋىنداعان.
"مىسالى، "Zhana Business" ج ش س كۋرستارىنىڭ ناقتى قۇندىلىعى قانداي؟ بۇل كۋرستاردىڭ قانداي دا ءبىر قاۋىمداستىعى بار ما؟ ناقتى باعاسى قانشا؟ جەڭىمپازدى انىقتاۋ نەگە تىكەلەي ەفيردە لوتوترون ارقىلى ەمەس، اۆتوماتتاندىرىلعان باعدارلاما ارقىلى جۇرگىزىلگەن؟ باعدارلامادا قانداي الگوريتم قولدانىلعان؟ وسى سۇراقتاردىڭ بارلىعى تولەگەنوۆانىڭ ارەكەتتەرىندە الاياقتىق نەمەسە زاڭسىز كاسىپكەرلىك سياقتى قىلمىستىق قۇرام بەلگىلەرى بار ەكەنىن كورسەتەدى"، - دەدى بالتاتەگى.
ول سوتتان تولەگەنوۆاعا قاتىستى اقبتك-نىڭ 445-1-بابى بويىنشا قوزعالعان اكىمشىلىك ءىستى توقتاتىپ، ماتەريالداردى سوتقا دەيىنگى تەرگەۋ ورگاندارىنا جولداۋدى سۇرادى. بۇعان دەيىن بالتاتەگى تولەگەنوۆانىڭ كۋرستاردى ساتۋ ءۇشىن ۇيىمداستىرىلعان ۇتىس ويىندارىن تەك "لوتەرەيانى جاسىرۋ امالى" دەپ اتاعان بولاتىن.
ال ەلميرا تولەگەنوۆا تاعىلعان ايىپپەن كەلىسپەيتىنىن ايتىپ، ۇتىس ويىندارى مەن "باقىت بارابانى" ونىڭ جەكە پاراقشالارىندا ەمەس، ءوزى قۇرىلتايشى بولعان "Zhana Business" ج ش س سايتى ارقىلى وتكىزىلگەنىن ءتۇسىندىردى. ونىڭ قورعاۋشىسى ولەگ چەرنوۆ ءىستى توقتاتىپ، كوميتەتتىڭ حاتتاماسىن دالەل رەتىندە جارامسىز دەپ تانۋدى سۇرادى.
سوت وتىرىسىنا ءتوراعالىق ەتكەن سۋديا اقەركە بەكتۇرعانوۆا كەڭەسۋ بولمەسىنە كەتىپ، شەشىمىن بۇگىن 15 قىركۇيەكتە ساعات 16:00-دە جاريالايتىنىن حابارلادى.