بيىل قانداي ماماندىق سۇرانىستا؟

مينيسترلىك سۇرانىسقا يە مامانداردىڭ ءتىزىمىن جاريالادى، دەپ حابارلايدى aqshamnews.kz

مينيسترلىكتىڭ بولجامىنا سايكەس، 2029 جىلعا دەيىن جۇمىس كۇشىنە جالپى سۇرانىس 2،9 ميلليون ادامدى قۇرايدى. 2025 جىلدىڭ وزىندە 239،2 مىڭ مامان قاجەت.

ەڭ سۇرانىسقا يە ماماندىقتار قاتارىندا الەۋمەتتىك سالا وكىلدەرى مەن جۇمىسشى ماماندىقتارىنىڭ يەلەرى بار:

جۇرگىزۋشى – 67،8 مىڭ؛
ورتا مەديسينالىق پەرسونال (پاسيەنتتەرگە كۇتىم جاساۋ) – 67،8 مىڭ؛
بۋحگالتەر – 62،8 مىڭ؛
باستاۋىش سىنىپ ءمۇعالىمى – 38،7 مىڭ؛
بالاباقشا تاربيەشىسى – 29،1 مىڭ؛
سانتەحنيكتەر – 27 مىڭ؛
تراكتورشى – 22،2 مىڭ؛
قۇرىلىسشى مەن مونتاجشى – 19،3 مىڭ؛
تىگىنشى مەن كيىم جوندەۋشى – 10 مىڭ.
مينيسترلىك مالىمەتىنشە، ەلگە ناقتى ەكونوميكا سەكتورىنا باعىتتالعان پراكتيكالىق ماماندار قاجەت: مەديسينا، ءبىلىم بەرۋ، كولىك، اۋىل شارۋاشىلىعى جانە قۇرىلىس سالالارىندا.

ولارعا دەگەن سۇرانىس جىل سايىن وسەدى:

2026 جىلى – 259،9 مىڭ ادام؛
2027 جىلى – 268،7 مىڭ؛
2028 جىلى – 239،4 مىڭ؛
2029 جىلى – 235،7 مىڭ.
سونىمەن قاتار، قازاقستاندا كادرلاردى قايتا دايارلاۋ بويىنشا ءبىرقاتار باعدارلاما جۇزەگە اسىپ جاتىر، ءدۋالدى وقىتۋ جۇيەسى ىنتالاندىرىلىپ، ايماقتاردىڭ قاجەتتىلىكتەرىن ەسكەرە وتىرىپ، ماماندىقتارعا دەگەن سۇرانىستى سيفرلىق بولجاۋ جۇمىسى ءجۇرىپ جاتىر»، – دەپ مالىمدەدى ەڭبەك مينيسترلىگى.