ازاماتتاردى الەۋمەتتىك قامسىزداندىرۋعا ارنالعان شىعىندار 2021 جىلى 3،8 ترلن تەڭگەگە دەيىن ءوستى جانە رەسپۋبليكالىق بيۋدجەت شىعىستارىنىڭ 27%-ىن قۇرادى.
بۇل تۋرالى حالىققا ەسەپ بەرۋ كەزدەسۋىندە ق ر ەڭبەك جانە حالىقتى الەۋمەتتىك قورعاۋ ءمينيسترى سەرىك شاپكەنوۆ مالىمدەدى، دەپ حابارلايدى Almaty-akshamy.kz ق ر ەڭبەك جانە الەۋمەتتىك قورعاۋ مينيسترلىگىنىڭ باسپا ءسوز قىزمەتىنە سىلتەمە جاساي وتىرىپ.
ءوز ءسوزىنىڭ باسىندا ەڭبەكمينىنىڭ باسشىسى 2020 جىلى مەملەكەتتىڭ بارلىق الەۋمەتتىك مىندەتتەمەلەرى تولىق كولەمدە ورىندالعانىن حابارلادى. زەينەتاقىلار، جاردەماقىلار ۋاقىتىندا تولەندى، ازاماتتارعا الەۋمەتتىك قولداۋ شارالارى كورسەتىلدى.
«وتكەن جىلى الەۋمەتتىك قامسىزداندىرۋ شىعىندارى 3،4 ترلن. تەڭگەنى قۇرادى، بۇل رەسپۋبليكالىق بيۋدجەت شىعىستارىنىڭ 24%-دان استامىن قۇرايدى. الەۋمەتتىك قاتەر باستالعان كەزەڭىندە جۇمىس ىستەيتىن ازاماتتاردى قولداۋ ءۇشىن مىندەتتى الەۋمەتتىك ساقتاندىرۋ جۇيەسىنەن 250 ملرد. تەڭگەدەن استام مولشەردە تولەمدەر جۇرگىزىلدى. اعىمداعى جىلى الەۋمەتتىك قامسىزداندىرۋعا ارنالعان بيۋدجەت شىعىندارى 3،8 ترلن. تەڭگەگە دەيىن ءوسىپ، رەسپۋبليكالىق بيۋدجەت شىعىستارىنىڭ 27%-دان استامىن قۇرادى»، – دەپ حابارلادى سەرىك شاپكەنوۆ.
سونداي-اق، ول مەملەكەت باسشىسىنىڭ تاپسىرماسىن ورىنداۋ ماقساتىندا 2020 جىلى ازاماتتاردى قولداۋ ءۇشىن زەينەتاقى تولەمدەرى مەن مەملەكەتتىك جاردەماقىلار مولشەرى ەكى ەسەگە ارتقانىن اتاپ ءوتتى.
«ىنتىماقتى زەينەتاقىنىڭ ءوسىمى 12% - دى، ال بازالىق زەينەتاقى مەن مەملەكەتتىك جاردەماقىلاردىڭ ءوسىمى 10%-دى قۇرادى. 2021 جىلعى 1 قاڭتاردان باستاپ زەينەتاقى مەن جاردەماقى قايتادان يندەكستەلدى. ناتيجەسىندە ىنتىماقتى زەينەتاقى 7%-عا، بازالىق زەينەتاقى مەن مەملەكەتتىك جاردەماقى 5%-عا ءوستى»، – دەدى مينيستر.
سونداي-اق، مەملەكەت باسشىسىنىڭ تاپسىرماسى بويىنشا ازاماتتارعا زەينەتاقى جيناقتارىنىڭ ءبىر بولىگىن تۇرعىن ءۇي جاعدايلارىن جاقسارتۋعا، ەمدەلۋدىڭ اقىسىن تولەۋگە نەمەسە جەكە كومپانيالاردىڭ باسقارۋىنا بەرۋگە ماقساتتى پايدالانۋ مۇمكىندىگىن بەرۋ بويىنشا جۇمىس جۇرگىزىلدى.
زەينەتاقى جيناقتارىنىڭ ءبىر بولىگىن الۋ قۇقىعىن بجزق-نىڭ شامامەن 1 ملن. سالىمشىسى پايدالانا الادى. 2021 جىلعى 4 ماۋسىمداعى جاعداي بويىنشا 1،4 ترلن تەڭگە سوماسىنا ءبىرجولعى زەينەتاقى تولەمدەرىنە 313،6 مىڭ ءوتىنىش ماقۇلداندى.
«2020 جىلى مىندەتتى الەۋمەتتىك ساقتاندىرۋ جۇيەسىمەن جۇمىس ىستەيتىن 6،3 ملن ازامات قامتىلدى. 2020 جىلعى 1 قاڭتاردان باستاپ الەۋمەتتىك ساقتاندىرۋ جۇيەسىندە ەڭبەك ءوتىلى مەن الەۋمەتتىك تولەمدەر مولشەرى اراسىنداعى ءوزارا بايلانىس كۇشەيتىلدى. ناتيجەسىندە الەۋمەتتىك قاتەر تۋىنداعان كەزدە الەۋمەتتىك تولەمدەر مولشەرى ورتا ەسەپپەن 50%-عا ارتتىرىلدى. ونىڭ ىشىندە ەڭبەك ەتۋ قابىلەتىنەن ايرىلۋ جاعدايىنا تولەمدەردىڭ ءوسىمى 69%-دى، اسىراۋشىدان ايىرىلۋ بويىنشا 41%-دى جانە جۇمىستان ايىرىلۋ بويىنشا 44%-دى قۇرادى»، – دەپ تولىقتىردى سەرىك شاپكەنوۆ.