حالىقارالىق بالالاردى قورعاۋ كۇنى قارساڭىندا باۋىردى ترانسپلانتاتتاۋدان وتكەن كىشكەنتاي پاسيەنتتەر تەگىن تەكسەرۋدەن ءوتىپ، ا. ن. سىزعانوۆ اتىنداعى ۇلتتىق عىلىمي حيرۋرگيالىق ورتالىقتا سىيلىقتار الدى.
بۇل ەلدەگى بالالارعا باۋىردى ترانسپلانتاتتاۋدى جاسايتىن جالعىز مەديسينالىق مەكەمە، دەپ حابارلايدى aqshamnews.kz.
⠀
ءىس-شارا شەڭبەرىندە بالالار ۋلترادىبىستىق زەرتتەۋ (ۋدز) سياقتى كەشەندى زەرتحانالىق تالداۋلار مەن مەديسينالىق قاراپ-تەكسەرۋلەردەن ءوتتى، بەيىندى مامانداردىڭ كونسۋلتاسياسىن الدى.
⠀
ورتالىقتىڭ باسقارما ءتوراعاسى، مەديسينا عىلىمدارىنىڭ دوكتورى، پروفەسسور، ق ر ۇعا اكادەميگى بايماحانوۆ بولاتبەك بيمەندە ۇلى بالالارمەن اڭگىمەلەسىپ، ولاردىڭ كوڭىل-كۇيىن سۇراپ، مەرەكەلىك سىيلىقتار تابىس ەتتى. ول بۇل بالالاردىڭ دەنساۋلىعى ءاردايىم ورتالىق دارىگەرلەرىنىڭ باقىلاۋىندا ەكەنىن اتاپ ءوتتى.
«اتا-انالارىنىڭ قاسىندا قايتا ومىرگە ورالعان قۋانىشتى بالالاردى كورۋ ءبىز ءۇشىن ۇلكەن باقىت. بۇل ءبىزدى ترانسپلانتولوگيا جانە مەديسيناداعى جوعارى تەحنولوگيالار سالاسىنداعى جاڭا بيىكتەردى باعىندىرۋعا شابىتتاندىرادى»، - دەپ اتاپ ءوتتى عىلىمي ورتالىقتىڭ باسشىسى بولاتبەك بايماحانوۆ.
⠀
بالالاردىڭ ترانسپلانتاتتاۋ باعدارلاماسىن ىسكە اسىرۋ ورتالىقتا 2016 جىلى پروفەسسور بايماحانوۆتىڭ باسشىلىعىمەن باستالدى، سودان بەرى 50 بالا وسى كۇردەلى وپەراسيادان ءساتتى ءوتىپ، سالاۋاتتى ءومىر سۇرۋگە ەكىنشى مۇمكىندىك الدى.