الماتىدا تجد «ءوس جانە اقجق» مەملەكەتتىك مەكەمەسى جەدەل قۇتقارۋ جاساعىندا جەكە قۇرام اراسىندا «باستى مىندەت - تەروريزمنەن ساقتانۋ» تاقىرىبىندا سەمينار-ساباق وتكىزىلدى، دەپ حابارلايدى aqshamnews.kz.
ءىس-شارانىڭ ماقساتى: تەرورلىق قاۋىپ-قاتەردەن ساقتانۋ جانە تارتىپسىزدىكتەر كەزىندە جەكە قۇرامدى دۇرىس ارەكەت ەتۋگە باعىتتاۋ بويىنشا ساباق جۇرگىزۋ.
اتالعان ءىس-شاراعا دەنساۋلىق ساقتاۋ باسقارماسىنىڭ «جۇمىلدىرۋ جۇمىستارى جانە مەملەكەتتىك قۇپيالاردى قورعاۋ» بويىنشا باس مامانى ەربول الىبايەۆ پەن ق ر تجم «اپاتتار مەديسيناسى ورتالىعى» پسيحولوگى جازيرا دوسايەۆا قاتىستى.
ءىس-شارانىڭ بارىسىندا جەدەل قۇتقارۋ جاساعى باسشىسىنىڭ ورىنباسارى مەيرامبەك دوسپەنبەتوۆ جەكە قۇرامعا ارنايى شاقىرىلعان قوناقتاردى تانىستىردى. قۇتقارۋ بولىمشەسىنىڭ باس قۇتقارۋشى-پسيحولوگ جانار بەگمانوۆا جەكە قۇرامعا «باستى مىندەت - تەروريزمنەن ساقتانۋ» تاقىرىبىندا پرەزەنتاسيا كورسەتتى.
قالانىڭ دەنساۋلىق ساقتاۋ باسقارماسىنىڭ «جۇمىلدىرۋ جۇمىستارى جانە مەملەكەتتىك قۇپيالاردى قورعاۋ بويىنشا باس مامانى ەربول الىبايەۆ ءوزىنىڭ تاجىريبەسىمەن بولىسە وتىرىپ، ءدارىس وقىدى.
جازيرا دوسايەۆا «مەنىڭ كوڭىل-كۇيىم» تاقىرىبىندا پسيحولوگيالىق ترەنينگ جۇرگىزدى. ترەنينگتىڭ ماقساتى: قاتىسۋشىلاردىڭ پسيحوەموسيونالدى كوڭىل-كۇيلەرىن كوتەرۋ، ءوز-وزىن رەتكە كەلتىرۋ، بىر-بىرىنە ۇجىمدا سەنىمدىلىك ءبىلدىرۋ بولدى.
سەمينار-ساباققا كەلگەن قاتىسۋشىلار ماماندارعا وزدەرىنىڭ كوكەيتەستى سۇراقتارىن قويىپ، جاۋاپ الدى.
ءىس-شارانىڭ سوڭىندا باس قۇتقارۋشى-پسيحولوگ جانار بەگمانوۆا جەكە قۇرام اتىنان قوناقتارعا ريزاشىلىعىن ءبىلدىردى.