جەلىدە رۋسلان بەردەنوۆكە قاستاندىق جاساۋ ءىسىن قاراعان سۋديانىڭ وعاش قىلىعى تارادى. بۇل ۆيدەونى قازاقستاندىق جۋرناليست بوتاگوز وماروۆا ءبولىستى، - دەپ حابارلايدى اqshamnews.kz ءتىلشىسى.
وقيعا شىمكەنتتە بولعان. سۋديا ءابينۇر قارابايەۆ جۋرناليستكە قاراپ، كامەراعا ءتىلىن شىعارعان. ونىڭ مۇنداي ارەكەتكە نە سەبەپتى بارعانى بەلگىسىز.
"قارابايەۆقا نە بولدى؟ بۇل ارەكەتكە نە سەبەپ بولدى؟ ءبارى دۇرىس پا؟ بۇل مەنى الاڭداتىپ قويدى"، – دەدى وماروۆا.
سونداي-اق، ول ارىپتەستەرىنەن سۋديانىڭ باسقا جاعدايلاردا دا وسىنداي قىلىق تانىتقان-تانىتپاعانىن سۇرادى.
ەسكە سالايىق، شىمكەنتتە قالا اكىمىنىڭ ورىنباسارى رۋسلان بەردەنوۆكە قاستاندىق جاساعان كۇدىكتىگە قاتىستى سوت وتىرىسى جالعاسىپ جاتىر. پروكۋرور ايىپتالۋشىعا 11 جىل 3 اي تاعايىنداۋدى سۇرادى.