بوتەن بىرەۋدىڭ مۇلكىن اسا ءىرى مولشەردە ۇرلاعان كۇدىكتى رەسەيدەن ەكستراديسيالاندى، - دەپ حابارلايدى aqshamnews.kz.
تەرگەۋ مالىمەتى بويىنشا ول 2015-2017 جىلدار ارالىعىندا استانا قالاسى بانكتەرىنىڭ ءبىرىنىڭ فيليالىنىڭ جەتەكشى مەنەدجەرى بولىپ، 31 ميلليون تەڭگەدەن اسا قاراجاتتى يەمدەنگەن.
قىلمىس جاساعاننان كەيىن كۇدىكتى جاسىرىنىپ، وعان حالىقارالىق ىزدەۋ جاريالانعان.
بىلتىر ماۋسىمدا ىزدەۋدە جۇرگەن ادام رەسەي فەدەراسياسىنىڭ ماسكەۋ قالاسىندا ۇستالدى. قازاقستان رەسپۋبليكاسى باس پروكۋراتۋراسىنىڭ سۇراۋى بويىنشا قازاقستانعا ەكستراديسيالاندى. ول تەرگەۋ يزولياتورىنا قامالعان.
بۇل قىلمىستى جاساعانى ءۇشىن مۇلكىن تاركىلەپ، جەتى جىلدان ون ەكى جىلعا دەيىنگى مەرزىمگە باس بوستاندىعىنان ايىرۋ جازاسى قاراستىرىلعان.