بالالارعا ارنالعان جاڭا جىلدىق سىيلىقتار: قالاي دۇرىس تاڭداۋ كەرەك؟

جاڭا جىل - عاجايىپقا تولى ەرەكشە كەزەڭ. اسىرەسە، بالالار قاۋىمى بۇل مەرەكەنى اسىعا كۇتەتىنى بەلگىلى. ولارعا مەرەكەلىك كوڭىل-كۇي سىيلاۋ ۇلكەندەر الدىنداعى "ۇلكەن" مىندەت. 

وتباسىنىڭ جىلۋىن، توسىن قۋانىشتى جانە بالانىڭ جادىندا ۇزاق ساقتالاتىن ەستەلىكتىڭ كوبى وسى جاڭا جىلمەن بايلانىستى. سوندىقتان بالالارعا ارنالعان جاڭا جىلدىق سىيلىقتى تاڭداۋعا سانالى تۇردە قاراعان ءجون.

سىيلىق - تەك زات ەمەس، ول ويىن، كۇلكى، ەموسيا مەن اسەر. سول سەبەپتى ونىڭ مازمۇنىنا عانا ەمەس، بالانىڭ جاسى، قىزىعۋشىلىعى مەن مىنەزىنە دە ءمان بەرۋ ماڭىزدى.

بالالارعا سىيلىق تاڭداۋدا نەنى ەسكەرۋ كەرەك؟

سىيلىقتى ءساتتى تاڭداۋ ءۇشىن كەلەسى فاكتورلارعا ءمان بەرگەن جاقسى:

جاسى - بالانىڭ دامۋ دەڭگەيىنە جانە قاۋىپسىزدىك تالاپتارىنا ساي بولۋى كەرەك.

قىزىعۋشىلىعى - سۋرەت سالۋدى ۇناتاتىن بالاعا شىعارماشىلىق جيىنتىق، كىتاپقۇمارعا - كىتاپ نەمەسە پازل لايىق.

بەلسەندىلىگى - قيمىل-قوزعالىستى جاقسى كورەتىندەرگە سپورتتىق، ال سابىرلى بالالارعا زياتكەرلىك ويىندار جاراسادى.

مىنەز ەرەكشەلىگى - سىيلىق بالانىڭ كۇشتى قىرلارىن دامىتۋعا  ءتيىس.

پايدالىلىعى - دامىتۋشى، ۇزاق قولدانىلاتىن سىيلىقتار ءاردايىم قۇندى.

جاس ەرەكشەلىگىنە قاراي سىيلىق يدەيالارى

1-3 جاستاعى بالالارعا

بۇل جاستا قاۋىپسىزدىك پەن سەزىمدىك قابىلداۋ ماڭىزدى.
جۇمساق تەكشەلەر، پيراميدالار، سورتەرلەر، مۋزىكالىق ويىنشىقتار، قاتتى بەتى بار كىتاپتار، ساۋساقپەن سالۋعا ارنالعان بوياۋلار - موتوريكا مەن تۇستەردى تانۋعا كومەكتەسەدى.

4-6 جاستاعى مەكتەپكە دەيىنگىلەرگە

قيال مەن رولدىك ويىندار كەزەڭى.
سۋرەت سالۋ مەن مۇسىندەۋگە ارنالعان جيىنتىقتار، رولدىك كوستيۋمدەر، ماگنيتتى نەمەسە قاراپايىم كونسترۋكتورلار بالانىڭ شىعارماشىلىعىن دامىتادى.

7-10 جاستاعى باستاۋىش سىنىپ وقۋشىلارىنا

بۇل جاستا بالالار كۇردەلىرەك تاپسىرمالارعا دايىن.
عىلىمي تاجىريبەلەرگە ارنالعان جيىنتىقتار، ۇستەل ويىندارى، سپورتتىق قۇرالدار، دامىتۋشى گادجەتتەر - ويلاۋ قابىلەتى مەن بەلسەندىلىكتى ارتتىرادى.

11-14 جاستاعى جاسوسپىرىمدەرگە

جاسوسپىرىمدەر ءۇشىن ەرەكشەلىك پەن پراكتيكالىق ءمان ماڭىزدى.
قۇلاققاپ، سمارت-ساعات، حوببيىنە ارنالعان زاتتار، ستراتەگيالىق ۇستەل ويىندارى نەمەسە سىيلىق سەرتيفيكاتتارى — ەڭ ءقاۋىپسىز تاڭداۋ.

امبەباپ جاڭا جىلدىق سىيلىقتار

ەگەر بالانىڭ تالعامىن ناقتى بىلمەسەڭىز:

• كىتاپتار؛

• ۇستەل ويىندارى؛

• شىعارماشىلىق جيىنتىقتار؛

• اسەر سىيلايتىن سەرتيفيكاتتار (شەبەرلىك ساباعى، مۋزەي، اكۆاپارك)؛

• دامىتۋشى گادجەتتەر — كەز كەلگەن جاستا جارامدى.

بالاباقشا مەن مەكتەپكە ارنالعان سىيلىقتار

مۇندا ءقاۋىپسىز، بىردەي جانە قولجەتىمدى نۇسقالار ماڭىزدى:

• بوياۋلار، قارىنداشتار، البومدار؛

• شاعىن ويىنشىقتار مەن كونسترۋكتورلار؛

• ءتاتتى جانە ءتاتتى ەمەس جاڭا جىلدىق جيىنتىقتار؛

• ەستەلىك كادەسىيلار -  جاپسىرما، برەلوك، ماگنيت؛

• ۇجىمدىق ويىندار - پازل، ۇستەل ويىندارى.

بالالارعا ارنالعان جاڭا جىلدىق سىيلىق - بۇل باعا ەمەس، كوڭىل اۋدارى مەن ماحابباتتىڭ كورىنىسى. بالانىڭ مىنەزى مەن قىزىعۋشىلىعىن ەسكەرىپ تاڭدالعان قاراپايىم سىيلىقتىڭ ءوزى قىمبات گادجەتتەن ارتىق اسەر قالدىرۋى مۇمكىن.