بيىل جازعى دەمالىس كەزىندە ەلدەگى 1،8 ميلليوننان استام بالا ساۋىقتىرۋ لاگەرلەرىندە دەمالعان، دەپ حابارلايدى almaty-akshamy.kz قازاقپاراتقا سىلتەمە جاساپ.
«بالالاردىڭ ساۋىقتىرۋ دەمالىسىن قامتاماسىز ەتۋ ءۇشىن «2020-2023 جىلداردىڭ كانيكۋل كەزەڭىندە بالالاردىڭ ساۋىقتىرۋ دەمالىسىن، بوس ۋاقىتىن جانە جۇمىسپەن قامتىلۋىن ۇيىمداستىرۋ تۋرالى» قازاقستان رەسپۋبليكاسى پرەمەر-مينيسترىنىڭ 2020 جىلعى 14 قاڭتارداعى №1-وكىمى قابىلداندى»، - دەپ جازىلعان ۇكىمەت باسشىسىنىڭ جاۋابىندا.
ونىڭ ايتۋىنشا، بيىل جازدا دەمالىسپەن جانە ساۋىقتىرۋمەن 1 863 228 بالا قامتىلعان. ونىڭ ىشىندە «بالداۋرەن» رەسپۋبليكالىق وقۋ-ساۋىقتىرۋ ورتالىعىندا جىل سايىن 15 مىڭنان استام وقۋشى دەمالىپ، وڭالتۋدان وتەدى.
«2021-2024 جىلدارعا ارنالعان رەسپۋبليكالىق بيۋدجەتتە بالالاردى ساۋىقتىرۋ، وڭالتۋ جانە ولاردىڭ دەمالىسىن ۇيىمداستىرۋ ءۇشىن 4،4 ملرد تەڭگە قاراستىرىلعان. بالالاردىڭ دەمالىسىن، جۇمىسپەن قامتىلۋىن، ساۋىقتىرۋ جانە وڭالتۋ شارالارىمەن قامتاماسىز ەتۋ ماسەلەلەرى ۇكىمەتتىڭ تۇراقتى باقىلاۋىندا»، - دەپ تۇيىندەدى اسقار مامين.