الماتى اكىمى باقىتجان ساعىنتايەۆ «الماتى» تەلەارناسىنداعى Akimat LIVE باعدارلاماسىنىڭ تىكەلەي ەفيرىندە كۇردەلى ەپيدەميولوگيالىق احۋال تۋرالى ايتتى جانە الماتىلىقتاردى دەنساۋلىقتارىن ساقتاۋ ءۇشىن ۆاكسينالانۋعا شاقىردى.
الماتىداعى ەپيدەميولوگيالىق احۋال اعىمداعى جىلدىڭ 18 ماۋسىمىندا سەبد ماماندارى تىركەگەن «دەلتا» شتامىنىڭ تارالۋىنا بايلانىستى كۇردەلەنە تۇسۋدە
وسىعان وراي كۆي-دىڭ مۋتاسيالانعان شتاممدارىن زەرتتەۋ جالعاسۋدا. اعىمداعى جىلدىڭ 1 شىلدەسىندەگى زەرتتەۋلەر ناتيجەسىندە كۆي ناۋقاستارىنان الىنعان 88 سىنامانىڭ نۇسقالارى انىقتالدى، 67 سىنامادا «دەلتا» (76%)، 14-ىندە (16%) «الفا» (بريتاندىق)، 2-ەۋىندە نەدەن پايدا بولعانى بەلگىسىز، 3 ناتيجە تەرىس (3،4%)، 1-ەۋىندە (1،1%) COVID-19 (ۋحاندىق). اعىمداعى جىلدىڭ 3 شىلدەسىنەن باستاپ جۇرگىزىلگەن زەرتتەۋلەر كۆي ناۋقاستارىنان الىنعان 45 سىنامانىڭ نۇسقالارى مىنانى كورسەتتى، 35-ىندە «دەلتا»(78%)، 6-ندا (13%) «الفا» (بريتاندىق) جانە تەك 1-ەۋىندە (2،2%) COVID -19 (ۋحاندىق) شتامدار انىقتالدى.
بۇدان وزگە، ماماندار كۆي-دىڭ سيمپتومدى ناۋقاستارىنىڭ ۇلەس سالماعىنىڭ ارتا تۇسكەنىن ايتۋدا. سوڭعى 7 كۇندە، الدىڭعى 7 كۇنمەن سالىستىرعاندا، 1،5 ەسەگە وسۋدە. «دەلتا» نۇسقاسىنىڭ اينالىمى 46%-دان 73%-عا دەيىن جىلدام، بۇل كۆي-دىڭ اۋىر كلينيكالىق كورىنىستەرىنە اپارادى.
سوڭعى 2 اپتاداعى جاس قۇرىلىمىن تالداۋ بالالار مەن جاستارعا «دەلتا» شتامىنىڭ تەز جۇعاتىنىن كورسەتتى. ماسەلەن، 1 جاسقا دەيىنگى ناۋقاس بالالاردىڭ ۇلەسى سالماعى 0،7% - 2،8% دەيىن ءوستى؛ 14 جاسقا دەيىنگى بالالار 0،4% - 15،0% دەيىن؛ 15 - 19 جاس ارالىعىنداعى جاسوسپىرىمدەر - 0،8% - 5،2% دەيىن جانە 40 - 59 جاستاعى ازاماتتار - 1،5% - 24،7%.
سوندىقتان قالا تۇرعىندارى بالالار مەن جاسوسپىرىمدەردىڭ جاعدايىنا ەرەكشە نازار اۋدارىپ، ولاردىڭ ادامدار كوپ شوعىرلانعان جەرلەرگە بارۋىن شەكتەۋلەرى ءتيىس. ورتا جاستاعى ادامدار سانيتارلىق-ەپيدەميولوگيالىق قاۋىپسىزدىك شارالارىن ساقتاۋدى كۇشەيتكەندەرى ءجون.
جۇمىسپەن قامتۋ بويىنشا سوڭعى 14 كۇندە كۆي اۋرۋى ءوزىن-وزى جۇمىسپەن قامتىعاندار اراسىندا - 35%، ءارتۇرلى ج ش س، اق جۇمىسشىلارى، جەكە كاسىپكەرلەر - 19%، زەينەتكەرلەر - 17،4%، سونداي-اق مەكتەپ وقۋشىلارى اراسىندا - 10،3% باسىم جانە مەكتەپ جاسىنا دەيىنگى بالالار - 7%، بۇل جالپى جاعدايلاردىڭ 89% قۇرايدى.