اۋىلدار ينتەرنەتپەن قامتىلماق

ەلىمىزدە ينتەرنەتپەن ءتيىستى دەڭگەيدە قامتىلماعان 600 اۋىل بار ەكەن.

SES جاhاندىق سپۋتنيكتىك وپەراتوردىڭ باس اتقارۋشى ديرەكتورى ستيۆ كوللار قازاقستانداعى اۋىلداردا ينتەرنەتتى قامتاماسىز ەتۋ جوسپارىن ايتتى، دەپ حابارلايدى اlmaty-akshamy.kz

 «ءبىز عارىش يندۋسترياسىمەن اينالىسىپ كەلەمىز جانە بۇل سالا - ماڭىزدى باعىتتاردىڭ ءبىرى. يندۋستريادا KazSat-پەن جانە باسقا دا سەرىكتەستەرمەن بىرگە وزەكتى سانالاتىن سالانى يگەرىپ كەلەمىز. سوندىقتان وتە باعالى تەحنيكالىق تاجىريبەنى زەردەلەپ جاتىرمىز»، - دەدى ستيۆ كوللار Digital Bridge حالىقارالىق تەحنولوگيالىق فورۋمىندا.

سونىمەن قاتار ول ينتەرنەتپەن قامتاماسىز ەتۋ بويىنشا قازاقستاندىق تاراپپەن بىرلەسكەن جۇمىس جوسپارلارىنا توقتالدى.

«فورۋم بارىسىندا 600 اۋىل (قازاقستاندا) ينتەرنەتپەن ءتيىستى دەڭگەيدە قامتىلماعانى ايتىلدى. ءبىز وسى ورايدا بۇل باعىتتاعى جۇمىستاردى رەتتەي الامىز. عارىشتىڭ مۇمكىندىگىن پايدالا وتىرىپ، كەز كەلگەن كونتينگەنتتى ءارى ەلدى مەكەندى قامتۋعا بولادى. قازاقستاندا وسى جۇمىستاردى قالاي ىسكە اسىرامىز؟ ونى جەرگىلىكتى كومپانيالارمەن سەرىكتەستىك ارقىلى جۇرگىزەمىز. ءبىز سوڭعى بۋىنداعى ءتيىستى سپۋتنيكتەردى پايدالانباقپىز»، - دەدى ستيۆ كوللار.