اۋىل شارۋاشىلىعى ەڭبەككەرلەرىنىڭ ەكىنشى فورۋمىنا قاتىسقان مەملەكەت باسشىسى قاسىم-جومارت توقايەۆ اگروونەركاسىپ كەشەنىن قارجىلاندىرۋ تاسىلدەرىن جەتىلدىرۋ كەرەگىن ايتتى، - دەپ حابارلايدى Aqshamnews.kz.
"بيىل اۋىل شارۋاشىلىعىنا ارنالعان جەڭىلدەتىلگەن نەسيە كولەمى ەل تاريحىندا العاش رەت 1 تريلليون تەڭگەدەن استى. بۇل – وسىدان 5 جىل بۇرىنعى جاعدايمەن سالىستىرعاندا 10 ەسە ارتىق كورسەتكىش. نەسيە قولجەتىمدى بولۋى ءۇشىن بانكتەرگە قۇزىرلى مەكەمە تاراپىنان كەپىلدىك بەرۋ ءتاسىلى ەنگىزىلدى. بيىل "دامۋ" قورى 1300 نەسيەگە كەپىلدىك بەردى. ءسويتىپ نەسيە الۋعا مۇلكى جەتكىلىكسىز كوپتەگەن شارۋانىڭ، اسىرەسە، شاعىن جانە ورتا دەڭگەيدەگى فەرمەرلەردىڭ ماسەلەسى وڭ شەشىمىن تاپتى" - دەدى مەملەكەت باسشىسى.
ەلىمىزدە وندىرىلەتىن تەحنيكا جەڭىلدەتىلگەن ليزينگپەن بەرىلە باستادى. بۇل ابدەن ەسكىرگەن تەحنيكانى جاڭارتۋعا ارنالعان وتە ءتيىمدى شەشىم بولدى.
"ءتورت جىل بۇرىن اۋىل شارۋاشىلىعى تەحنيكالارىنىڭ 90 پايىزى توزىپ تۇرعان ەدى. بۇل كورسەتكىش بيىل 70 پايىزعا دەيىن تومەندەدى. وسى باعىتتاعى جۇمىستى بيزنەس وكىلدەرىمەن بىرلەسىپ، ءارى قاراي جالعاستىرۋ قاجەت. ءقازىر شارۋالار الىپ جاتقان تەحنيكانىڭ 90 پايىزى قازاقستاندا شىعارىلعان. ەلىمىزدەگى 10 زاۋىتتا وسىنداي 19 ءتۇرلى تەحنيكا قۇراستىرىلادى. ولاردىڭ قاتارىندا الەمگە تانىمال برەندتەر بار. جاقىندا امەريكا قۇراما شتاتتارىنا جۇمىس ساپارىم كەزىندە John Deere كومپانياسىمەن بىرگە قۇنى 2،5 ميلليارد دوللار بولاتىن ستراتەگيالىق سەرىكتەستىك تۋرالى كەلىسىمگە قول قويىلدى"، - دەدى پرەزيدەنت.
پرەزيدەنتتىڭ سوزىنشە، سوعان سايكەس الداعى بەس جىلدا ەلىمىزدە 3 مىڭعا جۋىق زاماناۋي تەحنيكا شىعارىلادى.