اتىراۋداعى "جۇمىسكەر" شاعىناۋدانىندا نوسەردەن كەيىن جول وپىرىلىپ كەتتى، دەپ حابارلايدى اqshamnews.kz ءتىلشىسى Atyrau Online-عا سىلتەمە جاساپ.
جول جيەگىنىڭ ءبىر بولىگى وپىرىلىپ، جولدىڭ شەتىندە تەرەڭ شۇڭقىر پايدا بولعان. جۇرگىزۋشىلەردىڭ ايتۋىنشا، شۇڭقىردى لاي مەن شالشىق سۋ جاۋىپ تۇراتىندىقتان، ونى بايقاۋ قيىن، كوشەدەن ءوتۋ ءقاۋىپتى بولىپ كەتكەن.
"دەر كەزىندە كورمەي قالساڭ، دوڭگەلەگىڭنەن ايىرىلاسىڭ. كۇندە وسى كوشەمەن جۇمىسقا قاتىنايمىز. جاڭبىر جاۋسا، جولدى سۋ شايىپ كەتەدى، ءبىراق ەشكىم جوندەمەيدى. جاقىندا جولدىڭ ءوزى دە وپىرىلۋى مۇمكىن"، - دەيدى اتىراۋلىق اۆتوكولىك جۇرگىزۋشىسى.
تۇرعىندار مەن جۇرگىزۋشىلەر قالالىق قىزمەتتەردەن اپاتتى ۋچاسكەنى شۇعىل تۇردە توپىراقپەن كومىپ، نىعايتۋدى سۇرايدى.