كونفەرەنسيالار ليگاسىنىڭ «استانا» مەن «چەلسي» اراسىنداعى ماچى الماتىداعى «ورتالىق» ستاديوندا وتەتىن بولدى، دەپ حابارلايدى aqshamnews.kz
بۇل تۋرالى قازاقستاننىڭ تۋريزم جانە سپورت ۆيسە-مينيسترى سەرىك جاراسبايەۆ sport12.kz باسىلىمىنا بەرگەن سۇحباتىندا مالىمدەدى.
«استانا» نەگىزگى كەزەڭنىڭ سوڭعى ۇيدەگى ماچىندا لوندوننىڭ «چەلسي» كلۋبىمەن 2024 جىلعى 12 جەلتوقساندا كەزدەسەدى.
بۇعان دەيىن كلۋبتىڭ باسپا ءسوز قىزمەتى «استانا ارەنا» ستاديونىندا قايتا جوندەۋ جۇمىستارىنىڭ جۇرۋىنە بايلانىستى كوماندا وسى ماۋسىمدا ءوز الاڭىنداعى ماچتارىن باسقا ستاديوندا وتكىزىپ جاتقانىن حابارلاعان بولاتىن. استانا ارەنا 30 مىڭ كورەرمەندى سىيدىرا الاتىن، جىلجىمالى شاتىرى مەن جىلىتۋ جۇيەسى بار ەرەكشە ستاديون بولىپ سانالادى.