ۇكىمەت باسشىلارى ساۋدا-ەكونوميكا، قارجى-ينۆەستيسيا، ترانزيتتىك-كولىك، اۋىل شارۋاشىلىعى، مۇناي-گاز حيمياسى، ەنەرگەتيكا، عارىش سالالارىنداعى قازاقستان-رەسەي ىنتىماقتاستىعىن ودان ءارى ارتتىرۋ پەرسپەكتيۆالارىن، سونداي-اق ونەركاسىپتىك كووپەراسيا اياسىنداعى جوبالاردى تالقىلادى.
2021 جىلعى 2 قاراشادا ق ر پرەمەر-مينيسترى اسقار مامين ماسكەۋ قالاسىنا جۇمىس ساپارى اياسىندا رف ۇكىمەتىنىڭ ءتوراعاسى ميحايل ميشۋستينمەن كەلىسسوز جۇرگىزدى، دەپ حابارلايدى Almaty-akshamy.kz رrimeminister.kz سايتىنا سىلتەمە جاساپ.
ەۋرازيالىق ەكونوميكالىق وداق فورماتىنداعى ءوزارا ءىس-قيمىلدىڭ وزەكتى ماسەلەلەرى، سونداي-اق COVID-19 تارالۋىنا قارسى كۇرەس جانە ەكى ەلدىڭ ەكونوميكالارى ءۇشىن پاندەميا سالدارىن جويۋ جونىندەگى بىرلەسكەن شارالار قارالدى. اسقار مامين ەكى ەلدىڭ ۇلتتىق ەكونوميكالارىنىڭ بەلسەندى قالپىنا كەلۋى اياسىندا قازاقستان مەن رەسەي اراسىنداعى ساۋدا-ەكونوميكالىق قاتىناستار مەن ينۆەستيسيالىق ىنتىماقتاستىق دامۋىنىڭ جوعارى قارقىنىن اتاپ ءوتتى.
وسى جىلدىڭ 8 ايىندا ەلدەر اراسىنداعى تاۋار اينالىمى $14،7 ملرد دەيىن 27%-عا ءوستى. 2021 جىلدىڭ قورىتىندىسى بويىنشا تاراپتار بۇل كورسەتكىشتى $20 ملرد دەيىن جەتكىزۋگە نيەتتى. 2021 جىلدىڭ ءبىرىنشى جارتىسىندا رف-نىڭ ق ر ەكونوميكاسىنا تىكەلەي ينۆەستيسيالارىنىڭ كولەمى 17%-عا ارتىپ، $704،9 ملن قۇرادى. قازاقستاندا رەسەي كاپيتالىنىڭ قاتىسۋىمەن 10 مىڭنان استام كاسىپورىن جۇمىس ىستەيدى، بۇل شەتەلدىك قاتىسۋى بار كاسىپورىنداردىڭ جالپى سانىنىڭ 36،1%-ىن قۇرايدى. ونەركاسىپتىك كووپەراسيا سالاسىندا $1،7 ملرد سوماسىنا 8 بىرلەسكەن ءىرى جوبا ىسكە اسىرىلىپ جاتىر.
رف ۇكىمەتىنىڭ ۇيلەستىرۋ ورتالىعىندا اسقار مامين مەن ميحايل ميشۋستين كولىك ينفراقۇرىلىمىنىڭ وزىق دامۋى، ەكى ەلدىڭ ترانزيتتىك الەۋەتىن جانە ايماقتىق ءوزارا كولىك بايلانىسىن نىعايتۋ، ونىڭ ىشىندە «باتىس ەۋروپا – باتىس جۇڭگو»، «سولتۇستىك – وڭتۇستىك» دالىزدەرى جانە ەاەو كەڭىستىگىندەگى باسقا دا باعىتتار شەڭبەرىندە نىعايتۋ ماسەلەلەرىن تالقىلادى. ق ر يندۋستريا جانە ينفراقۇرىلىمدىق دامۋ ۆيسە-مينيسترى بەرىك قامالييەۆتىڭ، رف كولىك ءمينيسترى ۆيتاليي ساۆەليەۆتىڭ، «قازاقستان تەمىر جولى» ۇك» اق باسقارما ءتوراعاسى نۇرلان ساۋرانبايەۆتىڭ جانە «رتج» ااق باس ديرەكتورى – باسقارما ءتوراعاسى ولەگ بەلوزەروۆتىڭ باياندامالارى تىڭدالدى.
بيىلعى جىلدىڭ 9 ايىندا قازاقستان مەن رەسەي ارقىلى ورتالىق ازيا، ەۋروپا، قيىر شىعىس باعىتتارىنا 599،5 مىڭ جفە تاسىمالداندى، بۇل 2020 جىلدىڭ سايكەس كەزەڭىندەگى كورسەتكىشتەن 37%-عا ارتىق. جۇڭگو – ەۋروپا – جۇڭگو باعىتىنداعى ترانزيتتىك كونتەينەرلىك تاسىمالدار كولەمى 493،5 مىڭ جفە (+38%) قۇرادى. كەلىسسوزگە قر-نىڭ رف-داعى ەلشىسى ەرمەك كوشەربايەۆ، ستراتەگيالىق جوسپارلاۋ جانە رەفورمالار اگەنتتىگىنىڭ ءتوراعاسى قايرات كەلىمبەتوۆ، ساۋدا جانە ينتەگراسيا ءمينيسترى باقىت سۇلتانوۆ، ەنەرگەتيكا ءمينيسترى ماعزۇم مىرزاعالييەۆ، «سامۇرىق-قازىنا» اق باسقارما ءتوراعاسى الماسادام ساتقالييەۆ جانە ت. ب. قاتىستى.