كەلىسسوز قورىتىندىسى بويىنشا، كولىك-لوگيستيكالىق ينفراقۇرىلىمىن دامىتۋداعى ىنتىماقتاستىقتى كوزدەيتىن نيەتتەستىك تۋرالى حاتتاماعا قول قويىلدى.
ق ر پرەمەر-مينيسترى اسقار مامين بىرىككەن اراب امىرلىكتەرىنىڭ (ءباا) ازىق-تۇلىك قاۋىپسىزدىگى ءمينيسترى ماريام ءال مۋحەيريمەن كەزدەسۋ وتكىزدى، دەپ حابارلايدى Almaty-akshamy.kz Primeminister.kz سايتىنا سىلتەمە جاساپ.
كەزدەسۋگە ءباا-نىڭ ءىرى بيزنەستەرى — «Al Dahra Holding»، «DP World»، «Fish Farm» جانە ت. ب. وكىلدەرى قاتىستى. تاراپتار ساۋدا-ەكونوميكالىق، قارجى-ينۆەستيسيالىق، كولىك-لوگيستيكالىق، اگروونەركاسىپ، ەنەرگەتيكا جانە باسقا دا سالالارداعى ىنتىماقتاستىقتىڭ جاي-كۇيى مەن پەرسپەكتيۆالارىن تالقىلادى.
ق ر پرەمەر-مينيسترى قازاقستان رەسپۋبليكاسى مەن بىرىككەن اراب امىرلىكتەرى اراسىنداعى ستراتەگيالىق ىنتىماقتاستىقتىڭ جوعارى دەڭگەيىن اتاپ ءوتتى. 2021 جىلدىڭ 4 ايىندا ق ر مەن ءباا اراسىنداعى ءوزارا تاۋار اينالىمى $276 ملن قۇرادى، بۇل وتكەن جىلدىڭ سايكەس كەزەڭىندەگى كورسەتكىشتەن 13،1%-عا ارتىق. قازاقستاننان باا-گە ەكسپورت كولەمى 38،7%-عا ارتىپ، $247،8 ملن جەتتى. 2020 جىلى قارجى جانە كاپيتال نارىقتارىنىڭ بۇرىن-سوڭدى بولماعان قىسقارۋىنا قاراماستان، باا-دەن قازاقستان ەكونوميكاسىنا تىكەلەي شەتەلدىك ينۆەستيسيالار كولەمى 12،3%-عا ارتىپ، $181،7 ملن قۇرادى.
ق ر پرەمەر-مينيسترى ءباا ۇكىمەتىنىڭ ازىق-تۇلىك قاۋىپسىزدىگىن قامتاماسىز ەتۋگە باسا نازار اۋداراتىنىن ەسكەرە وتىرىپ، ىنتىماقتاستىقتىڭ باسىم باعىتى اوك سالاسىنداعى جوبالاردى بىرلەسىپ ىسكە اسىرۋ ەكەنىن اتاپ ءوتتى. ۇكىمەت باسشىسى قازاقستان الەمدەگى ەڭ پەرسپەكتيۆالى اوك ونىمدەرىن وندىرۋشىلەردىڭ ءبىرى ەكەنىن اتاپ ءوتتى. 2020 جىلدىڭ قورىتىندىسى بويىنشا the Economist Intelligence Unit رەيتينگىندە قازاقستان ازىق-تۇلىك قاۋىپسىزدىگى دەڭگەيى بويىنشا 113 ورىننىڭ ىشىنەن 32-ورىندى الىپ، 2019 جىلمەن سالىستىرعاندا ءوز پوزيسياسىن 16 تارماققا جاقسارتتى.
ق ر مەن ءباا بىرلەسكەن ينۆەستيسيالىق جوبالارى قوسىلعان قۇنى جوعارى، سونداي-اق پارسى شىعاناعى ەلدەرىندە زور سۇرانىس الەۋەتى بار جاڭا وندىرىستەردى قۇرۋدى كوزدەيدى. ولاردى ىسكە اسىرۋ قازاقستاندا جاڭا ساپالى جۇمىس ورىندارىن قۇرۋعا، وزىق تەحنولوگيالار مەن ىس-تاجىريبەنى ەنگىزۋگە مۇمكىندىك بەرەدى. بۇل رەتتە ق ر ءباا جۇزەگە اسىرىپ جاتقان 2051 جىلعا دەيىنگى ازىق-تۇلىك قاۋىپسىزدىگى ستراتەگياسىنىڭ ماڭىزدى بۋىنىنا اينالادى، ال بۇل ەكى ەل اراسىنداعى ينۆەستيسيالىق ىنتىماقتاستىقتى ودان ءارى ارتتىرۋعا ىقپال ەتەدى.
ءباا دەلەگاسياسىنىڭ قر-عا ساپارى ناتيجەسىندە قۇس فابريكالارىن («Alel Agro» جانە «Al Dahra Holding»)، ءسۇت-تاۋار فەرمالارىن («Dinara Group» جانە «Al Dahra Holding») سالۋ، سيىر جانە قوي ەتىن ءوندىرۋ («Nurym Group» جانە «Al Dahra Holding»)، جەمىستەردى ءوندىرۋ جانە قايتا وڭدەۋ («Amal Bio» جانە «Al Dahra Holding»)، بالىق ءوسىرۋ جانە قايتا وڭدەۋ («Fish Farm»)، استىق داقىلدارىن ءوندىرۋ جانە قايتا وڭدەۋ («Olzha Agro» جانە «Al Dahra Holding») ءتارىزدى باعىتتار بويىنشا جوبالاردى دايىنداۋ جانە ىسكە اسىرۋ بويىنشا جۇمىستار جۇرگىزىلۋدە.
كەلىسسوز قورىتىندىسى بويىنشا، «قازاقستان تەمىر جولى» ۇك» اق مەن «DP World» كومپانياسى اراسىندا قازاقستاننىڭ جۇك اعىنىن ارتتىرۋ جانە كولىك-لوگيستيكالىق ينفراقۇرىلىمىن دامىتۋداعى ىنتىماقتاستىقتى كوزدەيتىن نيەتتەستىك تۋرالى حاتتاماعا قول قويىلدى.
كەزدەسۋگە ستراتەگيالىق جوسپارلاۋ جانە رەفورمالار اگەنتتىگىنىڭ ءتوراعاسى – احقو باسقارۋشىسى قايرات كەلىمبەتوۆ، اۋىل شارۋاشىلىعى ءمينيسترى ساپارحان وماروۆ، يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ، «قازاقستان تەمىر جولى» ۇك» اق باسقارما ءتوراعاسى نۇرلان ساۋرانبايەۆ، «Kazakh Invest» اق باسقارما ءتوراعاسى مەيىرجان يۋسۋپوۆ، قازاقستاننىڭ تىكەلەي ينۆەستيسيالار قورىنىڭ باسقارما ءتوراعاسى نۇرلان جاقىپوۆ، قر-نىڭ باا-دەگى ەلشىسى ماديار مەڭىلبەكوۆ جانە ت.ب قاتىستى.