اسكەري پوليسيا قىزمەتىنە قاتىستى زاڭناما اكتىلەرىنە وزگەرىستەر ەنگىزىلۋدە

اسكەري پوليسيا قىزمەتىنە قاتىستى زاڭناما اكتىلەرىنە وزگەرىستەر ەنگىزىلۋدە

قازاقستاننىڭ قورعانىس مينيسترلىگى «اسكەري پوليسيا ورگاندارى قىزمەتىنىڭ ماسەلەلەرى بويىنشا زاڭ اكتىلەرىنە وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن ازىرلەدى، دەپ حابارلادى Almaty-akshamy.kz. ق ر قورعانىس مينيسترلىگىنىڭ سايىنا سىلتەمە جاساپ.    

قازاقستان رەسپۋبليكاسىنىڭ «اسكەري قىزمەت جانە اسكەري قىزمەتشىلەردىڭ مارتەبەسى تۋرالى» زاڭىنا وزگەرىستەر ەنگىزىلەدى. «اسكەري پوليسيا ورگاندارىنىڭ قىزمەتكەرى» دەگەن ۇعىم «اسكەري پوليسيا ورگاندارىنىڭ اسكەري قىزمەتشىسى» دەپ وزگەرتىلدى.

ق ر «قازاقستان رەسپۋبليكاسىنىڭ قورعانىسى جانە قارۋلى كۇشتەرى تۋرالى»  زاڭىنىڭ اسكەري پوليسيا ورگاندارىنا قاتىستى بولىگىندە رەداكسيالىق وزگەرىس ەنگىزىلدى. اتاپ ايتقاندا، «اسكەري پوليسيا» ۇعىمى «اسكەري پوليسيا ورگاندارى» دەپ اۋىستىرىلدى.

بۇدان وزگە، پرەزيدەنت اكىمشىلىگىنىڭ نۇسقاۋىنا سايكەس، جوعارىدا اتالعان زاڭعا تولىقتىرۋلار ەنگىزىلۋدە. تولىقتىرۋلاردا اسكەري جوسپارلاۋ جۇيەسىن مەملەكەت باسشىسى بەكىتىپ، قورعانىس مينيسترلىگىنە ونى ازىرلەۋ فۋنكسياسى بەرىلەدى.

بۇيرىق جوباسىمەن 2021 جىلعى 21 ماۋسىمعا دەيىن اشىق نورماتيۆتىك قۇقىقتىق اكتىلەر پورتالىندا كەلەسى سىلتەمە بويىنشا تانىسۋعا بولادى: https://legalacts.egov.kz/npa/view؟id=9279739.